Youth Congress President Zubair Anam : যুৱ কংগ্ৰেছৰ সভাপতিয়ে ক’লে, মন্ত্ৰী জয়ন্ত মল্ল বৰুৱা কংগ্ৰেছৰ এজেন্ট

তেজপুৰ, ৭ নৱেম্বৰ : কংগ্ৰেছৰ এজেন্ট বিজেপিৰ মন্ত্ৰী জয়ন্ত মল্ল বৰুৱা । অসমৰ মুখ্যমন্ত্ৰী ড৹ হিমন্ত বিশ্ব শৰ্মাই যিদৰে কয় যে কংগ্ৰেছত বিজেপিৰ এজেন্ট আছে, ঠিক সেইদৰে বিজেপিত কংগ্ৰেছৰ এজেন্ট আছে আৰু সেই এজেন্ট মন্ত্ৰী জয়ন্ত মল্ল বৰুৱা । এই মন্তব্য অসম প্ৰদেশ যুৱ কংগ্ৰেছৰ সভাপতি জুবেইৰ আনম মজুমদাৰৰ ।

যুৱ কংগ্ৰেছৰ সভাপতিগৰাকীয়ে কয় যে জয়ন্ত মল্ল বৰুৱাই সদায় পুৱা সংবাদ মাধ্যমৰ যোগেদি এবাৰকৈ কংগ্ৰেছৰ বিষয়ে কৈ থাকিলেই হৈ যাব ৷ তেওঁ কংগ্ৰেছৰ প্ৰচাৰ সুন্দৰকৈ কৰি আছে ৷ উল্লেখ্য যে মঙলবাৰে  অসম প্ৰদেশ যুৱ কংগ্ৰেছৰ য়ুথ যোড়ো যাত্ৰাৰ অংশ হিচাবে যুৱ কংগ্ৰেছে তেজপুৰৰ ৰাজীৱ ভৱনত এক অনুষ্ঠান অনুষ্ঠিত কৰে । অনুষ্ঠানত অংশগ্ৰহণ কৰি যুৱ কংগ্ৰেছৰ সভাপতি জুবেইৰ আনম মজুমদাৰে সংবাদ মাধ্যমৰ আগত কয় যে সমাগত লোকসভা নিৰ্বাচনত ৰাইজে কংগ্ৰেছ দলক সহযোগিতা কৰিব ।

লগতে পঢ়ক : Lok Sabha election 2024: মিত্ৰতাক লৈ বিজেপিৰ সৈতে কোনো আলোচনা হোৱা নাই বিপিএফৰ: দুৰ্গাদাস বড়ো