Tiger scare in Gahpur: গহপুৰৰ গমিৰিত বাঘৰ আতংক

গহপুৰৰ গমিৰিৰ বেবেজীয়াত বাঘৰ আতংক(Tiger scare in Gahpur) । বাঘৰ আক্ৰমণত গুৰুতৰভাৱে আঘাতপ্ৰাপ্ত হৈছে এগৰাকী দিন হাজিৰা কৰা শ্ৰমিক(Worker injured in tiger attack) । আহত শ্ৰমিকজনৰ নাম ৰাজু বৰাইক । স্থানীয় ক্ষুদ্ৰ চাহ খেতিয়ক বিশ্বজিৎ গগৈৰ ক্ষুদ্ৰ চাহ বাগিচাত কাম কৰি থকা অৱস্থাত হঠাতে বাগিচাখনত প্ৰৱেশ কৰে এটা বাঘে । বাঘটোৱে ৰাজু বৰাইকৰ মূৰত আক্ৰমণ কৰে । বাঘটোৰ আক্ৰমণত ৰাজু বৰাইকে চিঞৰ বাখৰ কৰাত চুবুৰীয়া ৰাইজে বাঘটোক খেদি পঠাবলৈ সক্ষম হয় যদিও ৰাজু বৰাইক গুৰুতৰভাবে আঘাতপ্ৰাপ্ত হয় । আহত ৰাজুক বিশ্বজিৎ গগৈয়ে ততাতৈয়াকৈ গহপুৰ মহকুমা অসামৰিক চিকিৎসালয়লৈ প্ৰেৰণ কৰে । এনেদৰে হঠাতে বাঘৰ আবিৰ্ভাৱ হোৱাত বৃহত্তৰ গমিৰি অঞ্চলৰ ৰাইজৰ মাজত আতংকৰ সৃষ্টি হৈছে । এই ক্ষেত্ৰত বন বিভাগে কোনো ধৰণৰ ভ্ৰুক্ষেপ নকৰাৰ অভিযোগ তুলিছে স্থানীয় লোকে ।