Assam flood 2023: চকুৰ পচাৰতে বানত উটি গ’ল ভকত চাপৰি সংযোগী কাঠৰ দলং

মাজুলী, 29 আগষ্ট: মাজুলীত ভদীয়া বানৰ তাণ্ডৱ ৷  বানৰ কৱলত পৰিছে মাজুলীৰ নৈ পৰীয়া কেইবাটাও অঞ্চল । ইফালে বানৰ বাবে বন্ধ আছে নৈ পৰীয়া বহু কেইখন বিদ্যালয় । আনহাতে আজি পৰ্যন্ত বন্ধ হৈ আছে মাজুলী নিমাতী ফেৰী সেৱা । ইয়াৰ মাজতে ভূতৰ ওপৰত দানহ পৰাদি এই বানত ভকত চাপৰিৰ কাঠৰ দলং উটি যোৱা ভয়ংকৰ দৃশ্য বন্দী হৈছে কেমেৰাত । ভকত চাপৰি অঞ্চলৰ বহু কেইখন গাঁৱৰ লগত যোগাযোগৰ একমাত্ৰ সম্বল এই দলংখনেই আছিল । 

এই দলংখন চকুৰ পচাৰতে উটি যোৱাৰ লগে লগে এতিয়া বিপদত পৰিছে ভকত চাপৰি অঞ্চলৰ বহু কেইখন গাঁৱৰ লোক । ভকত চাপৰি অঞ্চলৰ বহু কেইখন গাঁৱৰ লোকে চিকিৎসাৰ ক্ষেত্ৰতেই হওক বা ব্যৱসায় ক্ষেত্ৰতেই হওক এই কাঠৰ দলংখনেৰে অহা যোৱা কৰিব লগা হৈছিল । এই পৰিস্থিতিত বানাক্ৰান্ত লোকসকলে ভীতিগ্ৰস্ত হৈ পৰিছে ৷

লগতে পঢ়ক: Flood situation in Assam: ৰাজ্যত পুনৰ বানত এজন লোকৰ মৃত্যু