ডুমডুমাত কাঠৰ কুন্দাভৰ্তি বাহন জব্দ

তিনিচুকীয়া, 14 ডিচেম্বৰ: বুধবাৰে নিশা তিনিচুকীয়া জিলাৰ ডুমডুমাৰ বাদলাবেটা বাইপাছৰ সমীপত এখন চোৰাংভাৱে সৰবৰাহ কৰা কাঠভৰ্তি বাহন জব্দ কৰা হয় ৷ ডুমডুমা বন সংমণ্ডলৰ সুৰক্ষা আৰু ডুমডুমা বনাঞ্চলিক কাৰ্যালয়ৰ কৰ্মচাৰী সকলৰ তহলদাৰী অভিযানত জব্দ হয় কাঠৰ কুন্দাভৰ্তি বাহনখন । বাহনখনে কাকজানৰ দুৱাৰমৰা দিশৰ পৰা লৈ আনিছিল কাঠখিনি । 

পৰৱৰ্তী সময়ত বন বিভাগে কাঠভৰ্তি বাহনখন জব্দ কৰাৰ লগতে বাহনখনৰ চালককো আটক কৰে । জব্দকৃত বাহনখনৰ নম্বৰ AS 23 CC 5869 বুলি জানিব পৰা গৈছে ৷ উল্লেখ্য যে, তিনিচুকীয়া জিলাখনত দীৰ্ঘদিনৰ পৰা বনাঞ্চল ধ্বংস কৰি অবৈধ কাঠৰ ৰমৰমীয়া বেহা চলাই থকাৰ অভিযোগ উত্থাপন হৈ আহিছে ৷ তেনেদৰেই বিগত দিনসমূহৰ দৰেই নিশা জব্দ হোৱা কাঠভৰ্তি বাহনে ইয়াৰেই প্ৰমাণ দাঙি ধৰিছে ৷

লগতে পঢ়ক: কাছাৰত ভাতৃঘাতী সংঘৰ্ষত NNCৰ এজন সদস্য নিহত, এজন চিকিৎসাধীন