Illegal liquor distilleries demolished: খোৱাঙত শতাধিক মহিলাই উৎখাত কৰিলে চুলাই মদৰ ঘাটি

মৰাণ, 29 মে’: ডিব্ৰুগড় জিলাৰ খোৱাঙত আবকাৰী বিভাগ আৰু আৰক্ষীয়ে কৰিব নোৱাৰা কাম কৰি দেখুৱালে মহিলাই ৷ খোৱাঙৰ তিনিখনকৈ গাঁৱত দীৰ্ঘদিনে চলি অহা অবৈধ চুলাই মদৰ ঘাটি  উৎখাত কৰিলে শতাধিক মহিলাই (Women destroy illegal distilleries in Khowang) ৷

খোৱাঙৰ তিনিখনকৈ গাঁও ক্ৰমে বাঘতলী পথাৰ, বাঁ‌হনি পথাৰ আৰু নগাবাৰী গাঁৱৰ প্ৰায় শতাধিক মহিলা একত্ৰিত হৈ প্ৰথমে চুলাইৰ বিৰুদ্ধে এক সমদল বাহিৰ কৰে ৷ ইয়াৰ পিছতে মহিলা সকলে নগাবাৰী আৰু বাঁ‌হনি পথাৰ গাঁৱৰ কেইবাটাও চুলাই ব্যৱসায়ীৰ ঘৰত প্ৰৱেশ কৰি, ৰণচণ্ডী মূৰ্তি ধৰি এফালৰ পৰা ভাঙি যায় চুলাই প্ৰস্তুত কৰা সামগ্ৰী ৷ এক প্ৰকাৰৰ আৱকাৰী বিভাগ আৰু আৰক্ষীয়ে কৰিব নোৱাৰা কাম কৰি দেখুৱালে মহিলা সকলে (Illegal distilleries in Khowang) ৷  

ইফালে মহিলা সকলৰ এই ৰণচণ্ডী মূৰ্তি দেখি খোৱাং আৰক্ষীৰ এটা দল নগাবাৰী গাঁৱত উপস্থিত হয় ৷ মহিলা সকলে চুলাইৰ লগতে এটা পৰিয়ালৰ বাসগৃহৰ পৰা কিছু ভাঙো উদ্ধাৰ কৰে ৷ মহিলা সকলৰ অভিযোগ অনুসৰি বহু কিশোৰ এই ভাঙৰ প্ৰতি আসক্ত হৈছে আৰু পৰিয়ালত অশান্তিৰ সৃষ্টি কৰিছে ৷ খোৱাং আৰক্ষীয়ে ভাং উদ্ধাৰ হোৱা পৰিয়ালটোৰ এজনক সোধা-পোছাৰ বাবে আটক কৰিছে (Illegal liquor distilleries demolished) ৷  

লগতে পঢ়ক: CM Vigilance raid: 6 হাজাৰ উৎকোচ লৈ হাত দাঙিলে SI আৰু আৰক্ষী জোৱানে