Woman missing : নিৰুদ্দিষ্ট পত্নীৰ সন্ধান দিওঁতালৈ 20 হাজাৰ টকাৰ পুৰস্কাৰ ঘোষণা স্বামীৰ

জনিয়া, 9 মাৰ্চ: বৰপেটা জিলাৰ কলগাছিয়াৰ তাপাজুলি গাঁৱত বোৱাৰী নিৰুদ্দেশ হোৱাৰ ঘটনা পোহৰলৈ আহিছে (Woman missing at Kalgachia) ৷ পত্নীক বিচাৰি কাতৰ আহ্বান স্বামীৰ পৰিয়ালৰ । নিৰুদ্দিষ্ট পত্নীৰ সন্ধান দিব পাৰিলে 20 হাজাৰ টকাৰে পুৰস্কৃত কৰাৰ ঘোষণা কৰে স্বামীয়ে (Woman missing case) ৷ ঘটনাৰ বিৱৰণী অনুসৰি তাপাজুলি গাঁৱৰ আলী হুছেইনৰ পুত্ৰ কাবেল উদ্দিনে চাৰি মাহ পূৰ্বে কলগাছিয়াৰ ছুমাইয়া পাৰবিনৰ সৈতে সামাজিক ৰীতি-নীতি অনুসৰি বিবাহপাশত আৱদ্ধ হৈছিল । বিবাহৰ এমাহৰ পিচত স্বামী কাবেল উদ্দিনে কৰ্মসূত্ৰে গুৱাহাটী গৈছিল । 

স্বামী গুৱাহাটী থকা অৱস্থাত স্বামীৰ ঘৰৰ পৰা পত্নী ছুমাইয়া পাৰবিন ওলাই যোৱা দেখিছিল স্থানীয় লোকে ৷ তাৰ পিচৰে পৰা নিখোজ হৈ আছে ছুমাইয়া ৷ এতিয়া পত্নীক বিচাৰি নাপায় হতাশাত ভাঙি পৰিছে স্বামীৰ পৰিয়াল । এই সন্দৰ্ভত স্থানীয় আৰক্ষী থানাতো এজাহাৰ দাখিল কৰিছিল স্বামী কাবেলে ৷ কিন্তু আৰক্ষীৰ তদন্তটো কোনো শুংসূত্ৰ পোৱা নাই ছুমাইয়াৰ (Woman missing news) ৷ 

যদি কোনো সদাশয় ব্যক্তিয়ে ছুমাইয়াক দেখা পাই তেন্তে ততালিকে 9394487365/ 9387282921 নম্বৰত যোগাযোগ কৰিবলৈ আহ্বান স্বামীৰ ৷ পত্নীৰ সন্ধান দিওঁতাজনক 20 হাজাৰ টকাৰে পুৰস্কৃত কৰিব বুলিও জানিবলৈ দিয়ে স্বামী কাবেল উদ্দিনে।

লগতে পঢ়ক: Gold Smuggler Detained : গুৱাহাটী ৰে'ল ষ্টেচনত ২ কোটি মূল্যৰ চোৰাং সোণ জব্দ, আটক সৰবৰাহকাৰী