Wild Elephant Menace: ধেমাজি চিচিমুখত বন্যহস্তীৰ উপদ্ৰৱ

ধেমাজি,২৭ ছেপ্টেম্বৰ: বনাঞ্চল ধ্বংসৰ পৰিণতিত ৰাজ্যৰ বিভিন্ন প্ৰান্তত ক্ৰমে বৃদ্ধি পাইছে হাতী-মানুহৰ সংঘাত ৷ হাতীৰ বিচৰণস্থলী সংকুচিত হোৱাৰ লগতে খাদ্যৰ সংকটত পৰা হাতীৰ জাকে প্ৰৱেশ কৰিছে জনাঞ্চলত ৷ জনাঞ্চলত প্ৰৱেশ কৰি মানুহৰ শস্যৰ পথাৰ, ভঁৰালৰ লগতে বাসগৃহও ক্ষতিগ্ৰস্ত কৰিছে হাতীৰ জাকে ৷ ধেমাজিতো অব্যাহত হাতী মানুহৰ সংঘাত ।  

ধেমাজি মাছখোৱা চিচিমুখত যোৱা মঙলবাৰে এজাক বনৰীয়া হাতীয়ে তাণ্ডৱ চলাই তহিলং কৰে ঘৰ বাৰী আৰু পথাৰৰ শস্য । হাতীৰ জাকটোৱে চিচি , ৰাংকুপ অঞ্চলত উপদ্ৰৱ চলাই বিস্তৰ ক্ষতিসাধন কৰি ব্ৰহ্মপুত্ৰৰ দাঁতিকাষৰীয়া মাতমৰাৰ দিশে যোৱা বুলি জানিবলৈ দিয়ে স্থানীয় লোকে ৷ মন কৰিবলগীয়া যে আহিন মাহত খেতি পথাৰত শস্যৰ গেঁৰ ধৰাৰ সময়ত বন্যহস্তীয়ে অনিষ্ট কৰাত মূৰে কপালে হাত দিবলগীয়া হৈছে কৃষক ৰাইজে ৷ কিন্তু এই ক্ষেত্ৰত ধেমাজি বন বিভাগে তিলমানো গুৰুত্ব নিদিয়া বুলি অভিযোগ উত্থাপন কৰিছে ভুক্তভোগী কৃষকসকলে ৷  

লগতে পঢ়ক: Leopard Terror: নাহফুটুকীৰ সন্ধানত বন বিভাগ, আতংকত দিন কটাইছে মৰিয়নী নগৰবাসীয়ে