Elephant killed man: বিহমাৰিত বনৰীয়া হাতীৰ আক্ৰমণত এজন নিহত

বিশ্বনাথ, 14 মে’: ৰাজ্যজুৰি অব্যাহত আছে হাতী মানুহৰ সংঘাত (Man Elephant clash) ৷ বিহালীৰ বিহমাৰিত বন্যহস্তীৰ উপদ্ৰৱে আতংকৰ সৃষ্টি কৰিছে ৷ হাতী খেদিবলৈ যাওঁতে হাতীৰ গচকত মৃত্যু হয় এজন লোকৰ ৷ মৃত লোকজনৰ নাম গণেশ হেমৰম (35) বুলি জানিব পৰা গৈছে (Elephant killed one man) ৷ 

জানিব পৰা মতে, আজি কিছুদিন ধৰি বিহমাৰিৰ মাজগাঁও, নাহৰজান, লালপুখুৰী, মধুপুৰ বিহমাৰি, চেগুণবাৰী আদি বিভিন্ন অঞ্চলত সন্ত্ৰাস চলাই আহিছে এটা বনৰীয়া হাতীয়ে ৷ ইয়াৰ মাজতে আজি মাজগাঁও পথাৰত হাতীটোক খেদিবলৈ যাওঁতেই লোকজনক হাতীটোৱে গচকি মাৰি পেলায় (Elephant killed one man at Bihmari)৷  

উল্লেখ্য যে, বিহালীৰ বিভিন্ন প্ৰান্তত বহু বছৰ ধৰি হাতী মানুহৰ সংঘাতৰ ঘটনা সংঘটিত হৈ আহিছে ৷ ইফালে বৰগাং বন বিভাগে পুৱাৰ পৰা বনৰীয়া হাতী খেদিবলৈ অহৰহ চেষ্টা অব্যাহত ৰাখিছে ।

লগতে পঢ়ক: Empty Stomach Workout: খালী পেটত জিম কৰে নেকি ? তেন্তে সাৱধান হৈ যাওক