ঋণৰ বোজা সহিব নোৱাৰি ৰে’লৰ আগত পৰি আত্মহত্যা বিষ্ণুৰ

নলবাৰীৰ সন্ধা বালাকুছিত ভয়াবহ ঘটনা সংঘটিত হৈছে (Suicide case in Nalbari)৷ ৰে'লৰ খুন্দাত প্ৰাণ গ'ল এজন লোকৰ (man comitted suicide in Nalbari) । নলবাৰী জিলাৰ পূব প্ৰান্তস্থিত সন্ধা বলাকুছিৰ বিষ্ণু দেৱনাথ নামৰ ৪০ ঊৰ্দ্ধৰ লোকজনে ঋণৰ বোজা সহিব নোৱাৰি ৰে’লৰ আগত পৰি মৃত্যু হোৱাৰ ঘটনা পোহৰলৈ আহিছে ৷ এখন অলংকাৰৰ দোকানত কৰ্মৰত আছিল বিষ্ণু ৷ যুৱকজনে বিভিন্ন সময়ত বহুতো লোকৰ পৰা টকা ধাৰলৈ লৈছিল ৷ যাৰ ফলত যুৱকজন মানসিকভাৱে ভাঙি পৰিছিল ৷ সেয়ে ঋণৰ বোজা সহিব নোৱাৰিয়ে নিজ ঘৰৰ পৰা প্ৰায় ৫ কিলোমিটাৰ নিলগত থকা সন্ধা বলাকুছিত উজনিমুৱা ৰে’লৰ আগত পৰি আত্মহত্যা কৰাৰ সন্দেহ প্ৰকাশ আৰক্ষী প্ৰশাসন তথা স্থানীয় লোকে ৷