Theft incident at Kalgachia : কলগাছিয়াত VIP ছাগলী চোৰ আটক

জনীয়া, 20 অক্টোবৰ : চোৰ ঐ চোৰ ৷ এইবাৰ ওলাইছে VIP চোৰ ৷ কিয়নো চোৰে চুৰি কৰিবলৈ আহে আকৌ বিলাসী বাহনত ৷ ঘটনাৰ স্থান বৰপেটা ৷ কিন্তু এইবাৰ পিছে দিন বেয়া আছিল VIP চোৰৰ ৷ চুৰি কৰিবলৈ আহোতেই বৰপেটা জিলাৰ কলগাছিয়াত VIP চোৰক আটক কৰিলে ৰাইজে । বিলাসী বাহনেৰে ছাগলী চুৰি কৰিবলৈ আহি চোৰ ধৰা পৰিল ৰাইজৰ হাতত ।

ঘটনাৰ বিৱৰণী অনুসৰি, বৃহস্পতিবাৰে বৰপেটা জিলাৰ কলগাছিয়া আৰক্ষী থানাৰ অন্তৰ্গত কলগাছিয়া বানাত মাদ্ৰাছাৰ সন্মুখত সংঘটিত হয় ছাগলী চুৰিৰ ঘটনা ৷ চোৰটোৱে এখন বিলাসী বাহনত এটা ছাগলী উঠাই লৈ যোৱা অৱস্থাত স্থানীয় ৰাইজে প্ৰত্যক্ষ কৰি চোৰটোক আগভেটি ধৰে ৷ সুযোগ বুজি এটা চোৰ দৌৰি পলাই যাবলৈ সক্ষম হয় যদিও আন এটা চোৰক আটক কৰে স্থানীয় ৰাইজে ৷ ধৃত চোৰটোৰ নাম হাৰুনাৰ ৰচিদ ৷

তাৰ পাচতে স্থানীয় ৰাইজে বিলাসী বাহনখনত তালাচী চলাই বাহনখনৰ ভিতৰৰ পৰা এটা ছাগলী উদ্ধাৰ কৰে ৷ পৰৱৰ্তী পৰ্যায়ত খঙত উত্তেজিত ৰাইজে চোৰটোক তামোল গছত বান্ধি উত্তম মধ্যম সোধায়।

লগতে পঢ়ক: Nagaon theft incident : কাতি বিহুৰ উলহ-মালহৰ মাজতে নগাঁৱৰ মাহৰুলত ঘৰত চোৰৰ চাফাই অভিযান