Vehicle mysteriously catches fire:বিহপুৰীয়াত অঘটন:ৰাজপথত দাও দাওকৈ জ্বলিল বাহন

বিহপুৰীয়া, 22 আগষ্ট : লখিমপুৰ জিলাৰ বিহপুৰীয়া চহৰৰ মাজমজিয়াত আজি সন্ধ্যা এক অঘটন সংঘটিত হয় । ৰাজপথৰ মাজতে এখন চলন্ত মালবাহী চাৰিচকীয়া বাহন দাও দাওকৈ জ্বলি উঠিল ৷ জ্বলি উঠা বাহনখনৰ নম্বৰ হৈছে এ এছ ০৭-বি চি- ৫৬৫০ । দাও দাওকৈ জুইত জ্বলি উঠা বাহনখনত পেট্ৰ’ল নিয়াৰ সন্দেহ কৰিছিল ৰাইজে ৷ স্থানীয় ৰাইজে অগ্নি নিৰ্বাপনৰ চেষ্টা কৰাৰ পিচত ঘটনাস্থলীত অগ্নিনিৰ্বাপক বাহিনী উপস্থিত হয় ।

বিহপুৰীয়া আৰক্ষী থানাৰ নিচেই সমীপতে সংঘটিত হয় এই ঘটনা ৷ মিঠাতেল লৈ ঢলপুৰৰ পৰা বঙালমৰা অভিমুখে আহি আছিল বাহনখন ৷ হঠাৎ বিহপুৰীয়া নগৰৰ মাজত দাও দাওকৈ জ্বলি উঠে বাহনখন ৷ AS 07 BC 5650 নম্বৰৰ মহেন্দ্ৰ কোম্পানীৰ zeetu plus নামৰ বাহনখনত সংঘটিত হয় এই ঘটনা ৷ বিহপুৰীয়া আৰক্ষী থানাৰ নিচেই সমীপতে সংঘটিত হোৱা এই ঘটনাত অগ্নিনিৰ্বাপক বাহিনী আহি পোৱাৰ আগতেই ৰাইজৰ তৎপৰতাত জুই নুমুৱাবলৈ সক্ষম হয় ৷

লগতে পঢ়ক : Maligaon flyover accident : মালিগাঁৱৰ উৰণ সেঁতুত বিদ্যুৎস্পৃষ্ট দুই শ্ৰমিক