Dead Body recovered: ৰঙিয়াৰ শৌলমাৰীত অচিনাক্ত মৃতদেহ উদ্ধাৰ

ৰঙিয়াৰ গোঁসাই শৌলমাৰীত বুধবাৰে ধাননি পথাৰৰ মাজত এটা অচিনাক্ত মৃতদেহ উদ্ধাৰক লৈ সমগ্ৰ অঞ্চলতে সৃষ্টি হৈছে তীব্ৰ চাঞ্চল্যৰ(Dead Body recovered at Rangia) । পুৱা স্থানীয় ৰাইজে পথাৰৰ মাজত মৃতদেহটো প্ৰত্যক্ষ কৰি গাঁওবুঢ়াক খবৰ দিয়ে । গাঁওবুঢ়াই লগে লগে ঘটনাস্থলীত উপস্থিত হৈ ৰঙিয়া আৰক্ষীক ঘটনাৰ বিষয়ে অৱগত কৰে ৷ ইয়াৰ পাছতেই ঘটনাস্থলীত ৰঙিয়া আৰক্ষী উপস্থিত হৈ মৃতদেহ উদ্ধাৰ কৰি মৰণোত্তৰ পৰীক্ষাৰ বাবে প্ৰেৰণ কৰে । মৃত লোকজনৰ পৰিচয় বৰ্তমানেও জানিব পৰা হোৱা নাই ৷ মৃত লোকজন এন্দুৰৰ চিকাৰী বুলি সন্দেহ স্থানীয় ৰাইজৰ ৷ চিকাৰ কৰিবলৈ আহি অকাল মৃত্যুক আকোঁৱালি লোৱাৰ সন্দেহ একাংশৰ । কিয়নো মৃতদেহৰ কাষত আছে পথাৰত এন্দুৰ চিকাৰ কৰা ফাণ্ড ৷ নিশাৰ ভাগতে লোকজনে পথাৰলৈ এন্দুৰ চিকাৰ কৰিবলৈ অহাৰ পিছত মৃত্যু হোৱাৰ সন্দেহ একাংশৰ । আৰক্ষীৰ সঠিক তদন্তত হয়তো ওলাই পৰিব এইয়া দুৰ্ঘটনা নে আন কিবা !