Heated situation in Rangia: টকাৰ বেগ দেখি ভুল বুজাবুজি, লগে লগে গণপ্ৰহাৰ; কথমপি প্ৰাণ ৰক্ষা দুই যুৱকৰ

ৰঙিয়া,৯ আগষ্ট: ৰঙিয়াৰ সমীপৰ পালাৰাত উত্তপ্ত পৰিস্থিতি । ত্ৰিপুৰাৰ দুজন লোকক দুৰ্বৃত্তৰ আক্ৰমণ । ধনভৰ্তি বেগক লৈ দুই ফৈদৰ টনা-আজোৰাৰ ফলতে সৃষ্টি হয় উত্তপ্ত পৰিস্থিতিৰ । জানিব পৰামতে চাৰিচকীয়া বাহনৰ পৰা দুই অৰুণাচলৰ লোকে টকাভৰ্তি বেগ লৈ দৌৰি পলাবলৈ লওঁতেই গোট খালে স্থানীয় বহু লোক ।  

ৰাইজক দেখি চাৰিচকীয়া বাহনসহ টকা ভৰ্তি আন এটা বেগ লৈ পলায়ন কৰে অৰুণাচলী লোক দুজনে । তাৰ পিছতে ত্ৰিপুৰাৰ লোক দুজনৰ হাতত টকাৰ বেগ দেখি ৰাইজে ক'লা ব্যৱসায়ী বুলি সন্দেহ কৰে ৷ উত্তেজিত ৰাইজে উপৰ্যুপৰি আক্ৰমণ কৰে সহায় বিচাৰি অহা ত্ৰিপুৰাৰ লোক দুজনক ।  

ঘটনাৰ খবৰ পোৱা মাত্ৰকে ঘটনাস্থলীত উপস্থিত হয় কমলপুৰ আৰক্ষী । পিছে আৰক্ষী উপস্থিত হোৱাৰ পাছতো ক্ষান্ত নহ'ল একাংশ লোক । আৰক্ষীৰ সন্মুখতে আক্ৰমণ কৰে ত্ৰিপুৰা দুইগৰাকী লোকক । অৱশেষত আৰক্ষীয়ে বহু চেষ্টা কৰি দুই ত্ৰিপুৰাৰ লোক দুজনক উদ্ধাৰ কৰি থানালৈ লৈ যাবলৈ সক্ষম হয় । 

লগতে পঢ়ক: Domination of land mafia: ভূ-মাফিয়াৰ প্ৰহাৰত আহত দম্পতী; নিৰ্বাক দৰ্শকৰ ভূমিকা লোৱাৰ অভিযোগ সাতগাঁও আৰক্ষীৰ বিৰুদ্ধে