Terrible road accident: বকোত একে নিশাই দুটাকৈ পথ দুৰ্ঘটনা, থিতাতে 4 জনৰ মৃত্যু

বকো, 7 মে’: কালিকা লাগিছে বকোৰ ৰাজপথত (Terrible road accident)। বকোত শনিবাৰে নিশা পৃথক পৃথককৈ দুটা ভয়ংকৰ পথ দুৰ্ঘটনা সংঘটিত হয় (Two terrible road accidents at Boko) ৷ এই দুটাকৈ পথ দুৰ্ঘটনাত থিতাতে নিহত হয় চাৰিজনকৈ লোক (4 died in road accident) ৷ প্ৰথমটো দুৰ্ঘটনা সংঘটিত হয় বকোৰ চকাবাহাত (5 injured in road accident) ৷ 

অচিনাক্ত বাহনৰ খুন্দাত এজন লোক থিতাতে নিহত আৰু দুজন লোক গুৰুতৰভাৱে আহত হয় ৷ নিহত লোকজন বকোৰ মৌমানৰ দয়াল ৰাভা বুলি জানিব পৰা গৈছে ৷  আহত লোক দুজন হʼল কৃষ্ণ কান্ত ৰাভা আৰু ৰিটাৰ্ন ৰাভা ৷ আহত লোক দুজনক সংকটজনক অৱস্থাত গুৱাহাটী চিকিৎসা মহাবিদ্যালয়লৈ প্ৰেৰণ কৰে ৷  

আনহাতে দ্বিতীয় দুৰ্ঘটনাটো সংঘটিত হয় বকোৰ শিংৰাত ৷ বৰযাত্ৰী লৈ যোৱা এখন অল্টʼ গাড়ীয়ে নিয়ন্ত্ৰণ হেৰুৱাই পথৰ কাষৰ এজোপা গছত খুন্দা মাৰে ৷ ফলত থিতাতে নিহত হয় তিনিজনকৈ লোক । নিহত লোক তিনিজন হৈছে ৰূপেশ চৌধুৰী, ভাস্কৰ ঠাকুৰীয়া আৰু মানস পাঠক ৷ নিহত তিনিওজনৰে ঘৰ বকোৰ নগৰবেৰাত বুলি জানিব পৰা গৈছে ৷ ঘটনাটো আহত হৈছে আন তিনিজন লোক ৷ 

ইয়াৰে দুজনৰ অৱস্থা সংকটজনক হোৱাত উন্নত চিকিৎসাৰ বাবে গুৱাহাটী চিকিৎসা মহাবিদ্যালয়লৈ প্ৰেৰণ কৰা হৈছে  ৷ নগৰবেৰাৰ পৰা বকোলৈ আহিছিল বৰযাত্ৰীৰ বাহনখন ৷ ওভতাৰ পথত সংঘটিত হয় দুৰ্ঘটনাটো ৷ দুৰ্ঘটনাত পতিত হোৱা অল্ট‌ʼ বাহনখনৰ নম্বৰটো হৈছে AS 01 EE 6267। 

লগতে পঢ়ক: Gambling in Nalbari : নলবাৰীত 2 জুৱাৰীসহ জুৱা ঘাটি উৎখাত