Senimora ghat ferry incident: ভয়ংকৰ ফেৰী দুৰ্ঘটনাৰ পৰা কথমপি প্ৰাণ ৰক্ষা পৰিল সত্ৰাধিকাৰসহ শতাধিক যাত্ৰীৰ

মাজুলী, 17 এপ্ৰিল : এক ভয়ংকৰ ফেৰী দুৰ্ঘটনাৰ পৰা কথমপি প্ৰাণ ৰক্ষা পৰিল মাজুলীৰ গড়মূৰ সত্ৰৰ সত্ৰাধিকাৰ সহ শতাধিক যাত্ৰীৰ । চেনিমৰা ঘাটত এক ভয়ংকৰ দুৰ্ঘটনাৰ পৰা ৰক্ষা পৰে দুখনকৈ ফেৰীৰ যাত্ৰী । জানিব পৰা মতে, এখন ফেৰী মাজুলীৰ পৰা চেনিমৰা ঘাট অভিমুখে গৈ আছিল আৰু চেনিমৰা ঘাটতে ৰাখি থোৱা আনখন ফেৰী হঠাৎ খুলি দিয়াত দুইখন ফেৰী মুখামুখি সংঘৰ্ষ লগাৰ উপক্ৰম হয় । হুৱা-দুৱা লাগে দুইখন ফেৰীৰ যাত্ৰী মাজত (Senimora ghat ferry incident) । 

মাজুলীৰ পৰা গৈ থকা ফেৰীখনত ৪ খন গাড়ী আৰু ৪০ জনতকৈ অধিক যাত্ৰী আছিল । লগতে মাজুলী গড়মূৰ সত্ৰৰ সত্ৰাধিকাৰ পৰমানন্দ দেৱ গোস্বামীও উপস্থিত আছিল । সত্ৰাধিকাৰ গৰাকীয়ে জনোৱা মতে আজি এক নিশ্চিত মৃত্যু পৰা বাছি আহিছে বহুত লোক । নিমাতী ফেৰী দুৰ্ঘটনা দৰে অনুৰূপ দুৰ্ঘটনাই সংঘটিত হোৱাৰ উপক্ৰম হৈছিল চেনিমৰা ঘাটত (Two ferries barely survived a head on collision) ।

লগতে পঢ়ক : Dhubri fire incident: ঈদৰ পূৰ্বে ভয়ংকৰ অগ্নিকাণ্ডই ছাৰখাৰ কৰিলে এটা পৰিয়ালৰ জীৱন