Road accident: গোৱালপাৰাত ভয়ংকৰ পথ দুৰ্ঘটনাত প্ৰাণ হেৰুৱালে দুজনে

গোৱালপাৰা,১৫ নৱেম্বৰ: মঙলবাৰে নিশা গোৱালপাৰাত ভয়ংকৰ পথ দুৰ্ঘটনা । দুৰ্ঘটনাত থিতাতে প্ৰাণ হেৰুৱাই দুজন যুৱকে । সংকটজনক অৱস্থাত এজনক চিকিৎসালয়লৈ প্ৰেৰণ। তীব্ৰবেগী বাইকেৰে বিদ্যুতৰ খুঁটাত খুন্দা মৰাৰ ফলতে দুৰ্ঘটনাটো সংঘটিত হোৱা বুলি উল্লেখ কৰে স্থানীয় ৰাইজে ।  

জানিবপৰামতে, যোৱা নিশা যুৱক তিনিগৰাকীয়ে এখন বাইকেৰে লক্ষীপুৰৰ পৰা বগুৱান অভিমুখে তীব্ৰ বেগেৰে গৈ আছিল । তীব্ৰবেগী বাইকখনে নিয়ন্ত্রণ হেৰুৱাই পথৰ দাঁতিত থকা বিদ্যুতৰ খুঁটাত খুন্দা মাৰি বহু দূৰলৈ চিটিকি পৰাৰ ফলতে থিতাতে নিহত হয় দুগৰাকীকৈ যুৱক আনহাতে আহত হয় আন এগৰাকী যুৱক ।  

আহত যুৱকগৰাকীৰ অৱস্থা অতি সংকটজনক বুলি জানিব পৰা গৈছে । নিহত যুৱক দুগৰাকী হৈছে ছৰিফুল ইছলাম আৰু আকতাৰ হুছেইন আৰু আহত যুৱকজন আশ্ৰাফুল ইছলাম বুলি জানিবপৰা গৈছে । দুৰ্ঘটনাক কেন্দ্ৰ কৰি সমগ্ৰ অঞ্চলতে সৃষ্টি হৈছে তীব্ৰ চাঞ্চল্য।  

লগতে পঢ়ক: Road accident in Rangia: পথ দুৰ্ঘটনাক কেন্দ্ৰ কৰি পথ অৱৰোধ কৰিলে ৰাইজে