Tragic road accident: ভয়ংকৰ পথ দুৰ্ঘটনা, দুজনকৈ ছাত্ৰ নেতাৰ কৰুণ মৃত্যু

যোৰহাট, 4 ছেপ্টেম্বৰ: গোলাঘাটৰ নামবৰ অভয়াৰণ্যত সোমবাৰে ভয়ংকৰ পথ দুৰ্ঘটনাৰ ঘটনা সংঘটিত হৈছে ৷ এই পথ দুৰ্ঘটনাত দুগৰাকীকৈ ছাত্ৰ নেতাই কৰুণ মৃত্যুক সাৱটি লয় ৷  নিহত ছাত্ৰ নেতা দুজন টাই আহোম ছাত্ৰ সন্থাৰ বিষয়ৱবীয়া দিপ্লু গগৈ আৰু কৌশিক গগৈ বুলি জানিব পৰা গৈছে । দুয়োৰে ঘৰ গোলাঘাটৰ থুৰামুখত।

জানিব পৰা মতে দেওবাৰৰ নিশাৰে পৰা দুয়ো সন্ধানহীন হৈ থকাত পৰিয়ালৰ লোকে বহু বিচৰা খোচাৰ কৰাত গোলাঘাট আৰক্ষীৰ কাষ চাপে ৷ আৰক্ষীয়ে লগে লগে আৰক্ষীয়ে তেওঁলোকৰ ফোন কল ট্ৰেক কৰি নামবৰ বনাঞ্চলত সন্ধান বিচাৰি পায়। AS-05-R-2993 নামৰ এখন পালছাৰ বাইক লৈ এজোপা গছত প্ৰচণ্ড জোৰে খুন্দা মৰাৰ ফলত দুয়োৰে মৃত্যু হোৱা বুলি সন্দেহ প্ৰকাশ কৰা হৈছে ৷ দেওবাৰে নিশাই এই ঘটনা সংঘটিত হয় বুলি আৰক্ষীয়ে সন্দেহ প্ৰকাশ কৰে ৷ 

উল্লেখ্য যে, দিপ্লু গগৈ সদৌ টাই আহোম ছাত্ৰ সন্থা গোলাঘাট মহকুমা সমিতিৰ সহকাৰী সম্পাদক আৰু কৌশিক গগৈ টাই আহোম ছাত্ৰ সন্থাৰ পূব মৰঙি আঞ্চলিক সমিতিৰ সদস্য আছিল ৷ দুয়োজন ছাত্ৰ নেতাৰ মৃত্যুত গভীৰ শোক প্ৰকাশ গোলাঘাট জিলা টাই আহোম ছাত্ৰ সন্থাৰ।

লগতে পঢ়ক: Road Mishap: নৈশ বাছ আৰু বলেৰ’ পিক আপ বাহনৰ মুখামুখি সংঘৰ্ষ