Kidnapped children rescued: বৰপেটাৰ পৰা উদ্ধাৰ মানিকপুৰৰ অপহৃত দুই শিশুক

বঙাইগাঁও,৮ মে': বঙাইগাঁও জিলাৰ মাণিকপুৰ ৩১ নং ৰাষ্ট্ৰীয় ঘাইপথৰ পৰা বিয়লিভাগত অপহৃত দুটিকৈ শিশু উদ্ধাৰ হোৱা ঘটনাই তীব্ৰ চাঞ্চল্যৰ সৃষ্টি কৰিছে । বৰপেটা জিলাৰ কলগাছিয়া আৰক্ষী থানাৰ অন্তৰ্গত সাওৰাচৰৰ পৰা দেওবাৰে পুৱাৰভাগত অপহৰণ কৰিছিল শিশু দুটিক । অপহৰণকাৰীৰ দলটোৱে অপহৰণ কৰাৰ পিচত শিশুকেইটাৰ লগত থকা মোবাইল ফোনৰে অভিভাৱকক ধন দাবী কৰিছিল (Two children kidnapped from Barpeta rescued) ।  

সেই অনুসৰি সোমবাৰে পুৱাই শিশুদুটিক মাণিকপুৰ এৰি থৈ যাব বুলি মেছেজযোগে জনাইছিল (Two kidnapped children rescued in Manikpur) । লগতে এই সন্দৰ্ভত যাতে কাকোৱেই অৱগত নকৰে তাৰো হুমকি প্ৰদান কৰিছিল । জানিবপৰা মতে দুপৰীয়া মাণিকপুৰ তিনিআলিৰ ৰাষ্ট্ৰীয় ঘাইপথত শিশু দুটিক পেলাই থৈ যায় অপহৰণকাৰীয়ে । পিচত মাণিকপুৰ আৰক্ষীয়ে শিশুদুটিক থানাত লৈ আহে । ইফালে ঘটনা সন্দৰ্ভত ভুক্তভোগী পৰিয়ালটোৱে কলগাছিয়া আৰক্ষী থানাত দাখিল কৰিছে এখন এজাহাৰ । 

লগতে পঢ়ক: Assam Police recruitments: আৰক্ষী বিভাগত 5730 টা পদৰ বিপৰীতে 5421 জন প্ৰাৰ্থী নিৰ্বাচিত