Storm in Barpeta Road: ঘৰৰ ওপৰত গছৰ ডাল পৰি এজনৰ মৃত্যু

বৰপেটাৰোড, ১৫ জুন: বৃহস্পতিবাৰে পুৱা বৰপেটা ৰোডত এক শোকাৱহ ঘটনা সংঘটিত হয় ৷ ঘৰৰ কাষত থকা গছ ভাঙি গৃহৰ ওপৰত পৰি থিতাতেই এজন লোকৰ মৃত্য়ু হয় । মৃত্যু হোৱা লোকজন ষাঠিৰ উৰ্ধৰ গৌতম দাস বুলি জানিব পৰা গৈছে ৷ বৰপেটা ৰোডৰ ২ নং ৱাৰ্ডত সংঘটিত হৈছে এই কৰুণ দুৰ্ঘটনা ৷ পাণ-তামোলৰ দোকানেৰে গৌতম দাসে কোনোমতে নিজৰ পৰিয়ালটো পোহপাল দি আহিছিল ৷  

বৃহস্পতিবাৰে পুৱা লোকজনে নিজৰ ঘৰৰ ভিতৰত বহি থকা সময়ত এজাক ধুমুহাই ঘৰৰ কাষত থকা এটি প্ৰকাণ্ড কদম গছৰ ডাল ভাঙি ঘৰৰ চালৰ ওপৰত পৰে ৷ ফলত লোকজনে কৰুণ মৃত্যুক সাৱটি ল'বলগীয়া হয় ৷ দুটি কন্যা সন্তানৰ পিতৃ লোকজনৰ মৃত্যুত বৰপেটাৰোডত শোকৰ ছাঁ বিৰাজ কৰিছে ৷ ইপিনে,গছৰ ডাল ভাঙি ঘৰৰ ওপৰত পৰি এজন লোকৰ মৃত্যু ঘটাৰ পাছতো বন বিভাগৰ লোক ঘটনাস্থলীত সময়মতে উপস্থিত নোহোৱাত বহু পলমকৈ মৃত লোকজনক উদ্ধাৰ কৰা হয় বুলি সদৰী কৰিছে পৰিয়ালৰ লোকে ৷ 

লগতে পঢ়ক:Flood in Lakhimpur : যিকোনো মূহুৰ্ততে ছিগিব পাৰে লখিমপুৰৰ ৰঙানদীৰ ৩৬২ কোটি টকীয়া মথাউৰি