Theft case in Majuli : কাপোৰৰ দোকানত চোৰৰ চাফাই অভিযান

মাজুলী,28 জুন: এইবাৰ মাজুলী আৰক্ষীক চেলেঞ্জ চোৰৰ ৷ বৰষুণৰ সুযোগ লৈ চোৰ সোমাল কাপোৰৰ দোকানত ৷ মাজুলীৰ ফুলনি চাৰিআলিৰ ব্যৱসায়িক প্ৰতিস্থানত চুৰিকাণ্ড ৷ ফুলনি চাৰিআলিৰ ৰিতু ক্লথ ষ্টৰ নামৰ কাপোৰৰ দোকানখনত নিশা চোৰে চলালে চাফাই অভিযান ৷  ইফালে ফুলনি আৰক্ষী চকীৰ পৰা মাত্ৰ ১০০ মিটাৰ নিলগতে অৱস্থিত দোকানৰ পৰা এই চুৰিকাণ্ড সংঘটিত হয় ।

কাপোৰৰ দোকান খনৰ পৰা চোৰে কাপোৰৰ লগতে নগদ ধন লৈ উধাও হয় । নিশা বৰষুণ দিয়াৰ সুযোগ গ্ৰহণ কৰি চোৰে দোকানৰ চাতাৰ ভাঙি চুৰি কাণ্ড সংঘটিত কৰে ৷ দোকানখনৰ গৰাকীৰ অভিযোগ ‘আৰক্ষীৰ ফালৰ পৰা নিশাৰ ভাগত যদি পহৰা দিয়াৰ ব্যৱস্থা কৰা হ’লে এই চুৰি কাণ্ড সংঘটিত নহ’লহেতেন ৷ 50 হাজাৰ টকাৰ মূল্যৰ কাপোৰ চোৰে নিলে ৷’ 

লগতে পঢ়ক:Constituency delimitation: সমষ্টি পুনৰ নিৰ্ধাৰণক লৈ বিজেপিৰ সৈতে মিত্রদল অগপৰ বিদ্ৰোহৰ উকমুকনি