মাজুলীৰ গড়মূৰত বিত্তীয় প্ৰতিষ্ঠানত তলা লগালে গ্ৰাহকে, উত্তপ্ত পৰিস্থিতি

মাজুলী, 28 ডিচেম্বৰ : সত্ৰপীঠ মাজুলীত বিত্তীয় প্ৰতিষ্ঠানৰ অতপালি ৷ জমা লোৱা ধন গ্ৰাহকক ঘূৰাই নিদিয়াৰ অভিযোগ ৷  

মাজুলীৰ গড়মূৰত থকা আদৰ্শ গাঁও নিধি লিমিটেড নামৰ প্ৰতিষ্ঠানটোত বৃহস্পতিবাৰে সৃষ্টি হয় এক উত্তপ্ত পৰিস্থিতিৰ ৷ গ্ৰাহকৰ পৰা জমা লোৱা ধন ঘূৰাই নিদিয়াৰ অভিযোগ এই প্ৰতিষ্ঠানটোৰ বিৰুদ্ধে ৷ মাহৰ পাছত মাহ ধৰি গ্ৰাহকক প্ৰলোভন দি গ্ৰাহকক প্ৰৱঞ্চনা কৰাৰ অভিযোগ বিত্তীয় প্ৰতিষ্ঠানটোৰ বিৰুদ্ধে ৷

যাৰ বাবে বৃহস্পতিবাৰে ভুক্তভোগী গ্ৰাহকে প্ৰতিষ্ঠানটোৰ কৰ্তৃপক্ষ তথা কৰ্মচাৰীক আবদ্ধ কৰি প্ৰতিষ্ঠানটোৰ মূল দুৱাৰ বন্ধ কৰি দিয়ে ৷ পৰৱৰ্তী সময়ত ঘচনাস্থলীত আৰক্ষী উপস্থিত হৈ প্ৰতিষ্ঠানটোৰ পৰা এজন কৰ্মচাৰীক আটক কৰে ৷ উল্লেখযোগ্য যে এই প্ৰতিষ্ঠানটোৰ বিৰুদ্ধে পূৰ্বৰ পৰা কেলেংকাৰীৰ অভিযোগ আছে বুলি জানিব পৰা গৈছে ৷ 

লগতে পঢ়ক : আজৱকাণ্ড; যোৰহাট পৌৰসভাৰ চাফাই কৰ্মীৰ দুমাহৰ দৰমহা সোমাল মাত্ৰ ৭.৭৫ টকা