Birangana Mulagabaru Award 2023: লাভলীনা বৰগোহাঁইলৈ ২০২৩ বৰ্ষৰ বীৰাংগনা মূলাগাভৰু বঁটা

মৰাণ, ১৩ মাৰ্চ: আন্তঃৰাষ্ট্ৰীয় বক্সাৰ লাভলীনা বৰগোহাঁইলৈ ২০২৩ বৰ্ষৰ বীৰাংগনা মূলাগাভৰু বঁটা আগবঢ়োৱা হৈছে (Birangana Mulagabaru Award 2023)। টাই আহোম যুৱ পৰিষদৰ (TAYPA) চৰাইদেউ জিলা সমিতিয়ে প্ৰদান কৰিব এই বঁটা । দেওবাৰে আয়োজিত এক সংবাদমেলত টাই আহোম যুৱ পৰিষদৰ চৰাইদেউ জিলা সমিতিয়ে ২০১৩ বৰ্ষৰ পৰা প্ৰদান কৰি অহা বীৰাংগনা মূলাগাভৰু বঁটা এইবাৰ আন্তঃৰাষ্ট্ৰীয় খেলুৱৈ লাভলীনা বৰগোহাঁইক প্ৰদান কৰিব বুলি সদৰি কৰিছে । 

সোণাৰিত অনুষ্ঠিত এক সংবাদ মেলত এই কথা জনালে টাই আহোম যুৱ পৰিষদৰ কেন্দ্ৰীয় সভাপতি বিজয় ৰাজকোঁৱৰে (Birangana Mulagabaru Award 2023 to Lovlina Borgohain)। অহা ৩০ এপ্ৰিলত সোণাৰিত অনুষ্ঠিত হ'বলগীয়া বীৰাংগনা মূলাগাভৰু স্মৃতি দিৱসত লাভলীনা বৰগোহাঁইক প্ৰদান কৰা হ'ব এই বঁটা । 

উল্লেখ্য় যে অহা ২৯ আৰু ৩০ এপ্ৰিলত চৰাইদেউৰ জিলাৰসদৰ সোণাৰিত অনুষ্ঠিত হ'ব বীৰাংগনা মূলাগাভৰু স্মৃতি দিৱস । অসমৰ জাতীয় বীৰাংগনা মূলাগাভৰুৰ জীৱনাদর্শ, বলিষ্ঠ ভূমিকা আৰু ত্যাগক গভীৰ শ্ৰদ্ধাৰে সুঁৱৰি টাইপাই ২০১৩ বর্ষৰ পৰা সোণাৰি নগৰত অনুষ্ঠিত কৰি আহিছে বীৰাংগনা মূলাগাভৰু স্মৃতি দিৱস ।

লগতে পঢ়ক:Oscars Award 2023: এই বৰ্ষত কোনটো চৰিত্ৰ, কোনখন ছবিয়ে লাভ কৰিলে অস্কাৰ বঁটা, চাওক বিজয়ীৰ সম্পূৰ্ণ তালিকা