Kidnapping Case: মাদ্ৰাছাৰ ছাত্ৰক অপহৰণ কৰি 5 লাখ টকা মুক্তিপণ বিচাৰিলে ছাত্ৰই

হোজাই, 24 মে’ : সোমবাৰে হোজাইত চাঞ্চল্যকৰ এক অপহৰণ কাণ্ড সংঘটিত হয় (Hojai kidnapping case) । হোজাইৰ জামিয়া ইছলামিয়া মাদ্ৰাছাৰ এগৰাকী ছাত্ৰই মাদ্ৰাছাৰ পৰা ওলাই যোৱাৰ পিচতে মাদ্ৰাছাখনৰেই এজন জ্যেষ্ঠ ছাত্ৰই অপহৰণ কৰে (Student kidnapped by elder student) ৷ এই অপহৰণকাণ্ড সংঘটিত কৰা ছাত্ৰজন হোজাইৰ জামিয়া ইছলামিয়া জালালীয়া মাদ্ৰাছাৰ ছাত্ৰ ৷

জ্যেষ্ঠ ছাত্ৰজনে 12 বছৰীয়া ছাত্ৰজনক অপহৰণ কৰি 5 লাখ টকাৰ মুক্তিপণ বিচাৰিছিল অভিভাৱকৰ পৰা ৷ লগতে বিচৰা ধন নাপালে কিশোৰজনক হত্যা কৰাৰো ভাবুকি দিছিল অভিযুক্ত ছাত্ৰজনে  ৷ ইয়াৰ পাচতে হোজাই আৰক্ষী থানাত এজাহাৰ দাখিল কৰিছিল ছাত্ৰজনৰ পিতৃয়ে ৷  

এই এজাহাৰৰ ভিত্তিত হোজাইৰ অতিৰিক্ত আৰক্ষী অধীক্ষক পল্লৱ তামুলীৰ নেতৃত্বত আৰক্ষীৰ এটা বৃহৎ দলে অনুসন্ধান চলায় ৷ আৰক্ষীৰ দলটোৱে কেইঘণ্টামানৰ ভিতৰতে জামিয়া ইছলামিয়া মাদ্ৰাছাখনত তালাচী চলাই অপহৃত হোৱা 12 বছৰীয়া কিশোৰজনক অচেতন অৱস্থাত মাদ্ৰাছাৰ ভিতৰৰ পৰা উদ্ধাৰ কৰে । লগতে উক্ত অপহৰণ কাণ্ডৰ মূল মাষ্টাৰমাইণ্ড মৌলানা ছাত্ৰজনক আটক কৰিবলৈ সক্ষম হয় হোজাই আৰক্ষী ৷ মৌলানা ছাত্ৰজনৰ লগৰ আন এজনো ছাত্ৰও এই ঘটনাত জড়িত থকা বুলি জানিবলৈ দিয়ে ছাত্ৰগৰাকীয়ে ৷ 

লগতে পঢ়ক: Bomb Blast Threat in Mumbai : মুম্বাই আৰক্ষীলৈ বোমা বিস্ফোৰণৰ ভাবুকি বাৰ্তা, অভিযুক্তক আটক