Street play in Sarupather: জল জীৱন মিছনক লৈ জনতাক সজাগ কৰাৰ উদ্দেশ্যে বাটৰ নাট

সৰুপথাৰ,১৩ আগষ্ট: সৰুপথাৰ উচ্চতৰ মাধ্যমিক বিদ্যালয়ৰ ছাত্ৰ-ছাত্ৰীসকলে শনিবাৰৰ দিনটোত সৰুপথাৰ নগৰৰ কেইবাটাও অঞ্চলত ভাৰত চৰকাৰৰ জল জীৱন মিছন আঁচনিৰ ওপৰত আধাৰিত এখনি বাটৰ নাট প্ৰদৰ্শন কৰে । নাটখনিৰ জৰিয়তে জনসাধাৰণক বিশুদ্ধ খোৱা পানী খোৱাৰ আৱশ্যকতাৰ বিষয়ে তথা আঁচনিখনৰ সুবিধা আদায় কৰাৰ সন্দৰ্ভত বাৰ্তা প্ৰেৰণ কৰে ।  

লগতে পানী অবাবত নষ্ট কৰাৰ ক্ষেত্ৰটো নাটখনিৰ জৰিয়তে জনসাধাৰণক সজাগ কৰাৰ প্ৰয়াস কৰে । ইয়াৰ উপৰিও বিশুদ্ধ পানী খোৱাৰ ফলত নানান ৰোগৰ পৰাও হাত সাৰিব পাৰি সেই বিষয়েও ছাত্ৰ-ছাত্ৰীসকলে সুন্দৰ অভিনয়ৰ দ্বাৰা ৰাইজৰ মাজত বাৰ্তা প্ৰেৰণ কৰে । উপস্থিত ৰাইজেও ছাত্ৰ-ছাত্ৰীসকলৰ অভিনয়ক প্ৰশংসা কৰা পৰিলক্ষিত হয় ।

লগতে পঢ়ক: Roller skating championship : আজি সামৰণি পৰিব ৰোলাৰ স্কেটিং চেম্পিয়নশ্বিপৰ