Drugs Seized in Guwahati : খানাপাৰাত STF ৰ জালত ৭ টাকৈ ড্ৰাগছ সৰবৰাহকাৰী

গুৱাহাটী, ২৩ ছেপ্টেম্বৰ : মহানগৰীৰ খানাপাৰাত STF ৰ জালত ৭ টাকৈ ড্ৰাগছ সৰবৰাহকাৰী ৷ সৰবৰাহকাৰী কেইটা অৱতাৰ সিং, বিকাশ আলী, সুমন কলিতা, নয়ন তালুকদাৰ, সঞ্জয় বিশ্ব, যুৱৰাজ কল্যাণ আৰু শ্যামল পেগু বুলি জানিব পৰা গৈছে ৷  

সৰবৰাহকাৰী কেইটাৰ পৰা ৩২ টাকৈ ড্ৰাগছ ভৰ্তি কন্টেইনাৰ জব্দ STF ৰ ৷ জানিব পৰা মতে দীৰ্ঘদিন ধৰি ড্ৰাগছ সৰবৰাহকাৰীকেইটাই খানাপাৰাৰ বিভিন্ন অঞ্চলত খুচুৰাভাবে ড্ৰাগছৰ ব্যৱসায় চলাই আহিছিল ৷  

এই সন্দৰ্ভত আৰক্ষীয়ে বিভিন্ন সময়ত বিভিন্ন ব্যৱস্থা গ্ৰহণ কৰিছিল যদিও দীৰ্ঘদিনে চলি থকা ড্ৰাগছৰ এই ৰমৰমীয়া বেহা উৎখাত কৰিবলৈ সক্ষম হোৱা নাছিল ৷ শনিবাৰে পুৱাৰ ভাগত STF ৰ এটা দলে অভিযান চলাই ৭ টাকৈ সৰবৰাহকাৰীক আটক কৰিবলৈ সক্ষম হয় ৷ লগতে এই ব্যৱসায়ৰ সৈতে আন কোন কোন জড়িত আছে তাৰ বাবে অব্যাহত ৰাখিছে তদন্ত ৷ 

লগতে পঢ়ক : FIR Against Assam CM : মধ্যপ্ৰদেশত হিমন্ত বিশ্ব শৰ্মাৰ উচটনিমূলক বক্তব্যৰ বিৰুদ্ধে গোচৰ ৰুজু প্ৰদেশ কংগ্ৰেছৰ