Youth Missing: কৰ্মস্থানৰ পৰা ৰহস্যজনকভাৱে নিখোঁজ যুৱক

মৰিগাঁও, 3 জুলাই : মহানগৰীত কাম কৰিবলৈ গৈ নিখোজ মৰিগাঁৱৰ মুকবধিৰ যুৱক ৷ মৰিগাঁৱৰ পৰা গুৱাহাটীৰ পাণ্ডুত ৰে’লৱে অভাৰবীজৰ কাম কৰিবলৈ গৈ কৰণ কোঁৱৰ নামৰ যুৱকজন বিগত 28 জুনৰ পৰা নিখোজ হৈ আছে ৷ নিৰুদ্দিষ্ট যুৱকজন মৰিগাঁও জিলাৰ ডমালৰ কৰণ কোঁৱৰ বুলি জানিব পৰা গৈছে ৷ যুৱকজনক গাঁৱৰে যুৱক নিৰাবৰ বৰদলৈয়ে কাম কৰিবলৈ বুলি গুৱাহাটীলৈ পিতৃ-মাতৃৰ পৰা খুজি লৈ গৈছিল ৷ নিৰাবৰে যুৱকজনক সুকলমে ৰাখিম বুলি পৰিয়ালটোক আশ্বাস দিছিল ৷  

যুৱকজনৰ পিতৃয়ে জনোৱা অনুসৰি 28 জুনত পুৱা প্ৰায় 5 মান বজাত কাম কৰি থকাৰ পৰা যুৱকজন ৰহস্যজনকভাৱে নিখোঁজ হয় ৷  এই খবৰ পোৱাৰ পিচতে দৰিদ্ৰ পৰিয়ালটোৰ মাজত তীব্ৰ প্ৰতিক্ৰিয়াৰ সৃষ্টি হৈছে ৷ যুৱকজন নিৰুদ্দেশ হোৱা সন্দৰ্ভত ইতিমধ্যে মৰিগাঁও আৰু জালুগুটি আৰক্ষী থানাৰ লগতে গুৱাহাটীৰ দুখনকৈ আৰক্ষী থানাত এজাহাৰ দাখিল কৰিছে পৰিয়ালৰ লোকে ৷ যদিও বৰ্তমানলৈ যুৱকজনৰ কোনো ধৰণৰ খবৰ লাভ কৰা নাই ৷

ইয়াৰ পিচতে পৰিয়ালটোৱে নিজ পুত্ৰক বিচাৰি কাষ চাপিছে সংবাদ মাধ্যমৰ ৷ পৰিয়ালটোৱে কাতৰ আহবান জনায় যে, কোনো সদাশয় লোকে যুৱকজনক দেখে তেন্তে আৰক্ষীক নহ’লে 9365160118 নাইবা 9401841768 যোগাযোগ কৰিব ৷ তদুপৰি যুৱকজনক লৈ যোৱা নিৰাবৰ বৰদলৈক 12 দিনৰ ভিতৰত কৰণক ঘৰলৈ আনি দিবলৈ সময় সীমা বান্ধি দিছে যুৱকজনৰ পৰিয়ালৰ লোকে ৷ অন্যথা নিৰাবৰৰ বিৰুদ্ধে যাৱতীয় ব্যৱস্থা গ্ৰহণ কৰিব বুলি পৰিয়ালৰ লোকে সতৰ্ক কৰি দিয়ে ৷

লগতে পঢ়ক: Rice Scam : বগা চাউলৰ ক’লা বেহা, 7 জনক গ্ৰেপ্তাৰ