মৰাণত মাছৰ বজাৰত বিহু জুৰিলে বিপিন চাউদাঙে
![ETV Bharat Assamese Team](https://etvbharatimages.akamaized.net/etvbharat/prod-images/authors/assam-1716535099.jpeg?imwidth=128)
Published : Jan 14, 2024, 4:48 PM IST
![ETV Thumbnail thumbnail](https://etvbharatimages.akamaized.net/etvbharat/prod-images/14-01-2024/640-480-20506046-thumbnail-16x9-moran-aspera.jpg)
মৰাণ,১৪ জানুৱাৰী: আজি মাঘ বিহুৰ উৰুকা । উৰুকাৰ আয়োজনত ব্যস্ত সমগ্ৰ ৰাজ্যবাসী । বজাৰ ভৰি পৰিছে ভোগৰ সামগ্ৰীৰে । সমগ্ৰ ৰাজ্যৰ লগতে মৰাণতো ভোগালীৰ আনন্দ উল্লাস দেখিবলৈ পোৱা গৈছে । পুৱাতে অঞ্চলটোৰ বিভিন্ন বজাৰৰ সমান্তৰালকৈ মৰাণৰ দৈনিক বজাৰটো দেখা যায় ব্যাপক ভিৰ । বিশেষকৈ মাছ-মাংসৰ বজাৰত অগণন লোকৰ সমাগম পৰিলক্ষিত হৈছে । সকলোৱে পচন্দৰ মাছটো ক্ৰয় কৰিবলৈ লগাইছে হেতা-ওপৰা ।
উৰুকাত তৃপ্তিৰে এসাঁজ খোৱাৰ মানসেৰে মাছৰ বজাৰলৈ আহি শিল্পী বিপিন চাউদাঙে জুৰিলে বিহু গীত । শিল্পীজনৰ নতুনকৈ মুক্তি পোৱা মইনা কলিজা গীতটোৱে ৰাইজৰ মন জয় কৰিব বুলি আশাবাদী শিল্পী বিপিন চাউদাং । শিল্পীজনে এই বজাৰৰ পৰাই অসমবাসী ৰাইজলৈ জ্ঞাপন কৰে ভোগালী বিহুৰ শুভেচ্ছা ।
লগতে পঢ়ক: মহানগৰীত ভোগালী বিহুৰ আনন্দ