Youth missing from moving train: কেৰালালৈ যোৱাৰ পথতে সন্ধানহীন চিলাপথাৰৰ যুৱক

জোনাই, 25 আগষ্ট: কৰ্মসংস্থাপন বিচাৰি দক্ষিণ ভাৰতৰ কেৰালালৈ যোৱাৰ পথত চিলাপথাৰৰ এজন যুৱক নিখোঁজ হোৱাৰ খবৰে সৃষ্টি কৰিছে চাঞ্চল্যৰ । প্ৰাপ্ত বিৱৰণী অনুসৰি, চিলাপথাৰৰ জলকীয়াসূঁতি গাঁৱৰ মিলধৰ সোণোৱালৰ পুত্ৰ সঞ্জীৱ সোণোৱালে (40) যোৱা 19 আগষ্টত ডিব্ৰুগড়ৰ পৰা ট্ৰেইনযোগে কেৰেলালৈ বুলি যাত্ৰা আৰম্ভ কৰিছিল । পিছে ৰে'লৰে গৈ থকা অৱস্থাত 21 আগষ্টৰ দিনা তামিলনাডুৰ বিজয়পাৰা ষ্টেচনৰ সমীপৰ পৰা যুৱকজন আকস্মিকভাৱে নাইকীয়া হয় বুলি লগত থকা বন্ধুকেইজনে জানিবলৈ দিয়ে । 

ঘটনা সন্দৰ্ভত পৰিয়ালৰ লোক অৱগত হোৱাৰ পিচৰে পৰাই বহু বিচাৰ খোচাৰ কৰিও লোকজনৰ কোনো শুং সূত্ৰ নোপোৱাত পৰিয়ালটোত সৃষ্টি হৈছে হাহাকাৰ পৰিস্থিতিৰ । এটা সন্তানৰ পিতৃ সঞ্জীৱৰ নিখোজৰ ঘটনাক লৈ চিলাপথাৰ আৰক্ষী থানাত পৰিয়ালৰ লোকে এজাহৰ দাখিল কৰিছে । কোনো লোকে লোকজনৰ খবৰ পালে নিকটস্থ আৰক্ষী অথবা 6003535862/9394651470 নম্বৰত যোগাযোগ কৰিবলৈ দুৰ্ভগীয়া পৰিয়ালটোৱে কাতৰ আহ্বান জনাইছে । 

লগতে পঢ়ক: Nirbhaya like Incident In Bihar: নিৰ্ভয়া কাণ্ডৰ পুনৰাবৃত্তি ! চলন্ত বাহনত কিশোৰীক যৌন নিৰ্যাতন