Nalbari Daulasal storm news: প্ৰচণ্ড ধুমুহাত দৌলাশাল আৰক্ষী চকীৰ বিস্তৰ ক্ষতিসাধন

নলবাৰী, 1 মে’: নলবাৰীত প্ৰচণ্ড ধুমুহাই বিধস্ত ক্ষতিসাধন কৰে দৌলাশাল আৰক্ষী চকীৰ । নিশা হঠাতে অহা প্ৰচণ্ড ধুমুহাৰ ফলত দৌলাশাল আৰক্ষী চকী বিস্তৰ ক্ষতিগ্ৰস্ত হয় । কোনোমতে প্ৰাণৰক্ষা পৰে আৰক্ষী বিষয়া লাচিত লহকৰৰ (Severe storm in Nalbari Daulasal)।

ধুমুহাত আৰক্ষী চকীৰ চৌহদত থকা কেইবাডালো গছ উভালি পৰে । এডাল প্ৰকাণ্ড জাম গছ আৰক্ষী চকীৰ কাৰ্যালয়টোৰ ওপৰতে পৰি কাৰ্যালয়টোৰ বিস্তৰ ক্ষতিসাধন কৰে । কাৰ্যালয়ৰ ভিতৰত গছডালৰ বৃহৎ ডাল সোমাই যোৱাৰ ফলত চিলিংসহ ওপৰৰ অংশ খহি পৰে । আৰক্ষী চকীখনত সেই সময়ত কৰ্মৰত অৱস্থাত থকা ভাৰপ্ৰাপ্ত আৰক্ষী বিষয়া লাচিত লহকৰৰ কনোমতে প্ৰাণ ৰক্ষা পৰে । আনহাতে আন এডাল প্ৰকাণ্ড গছ উভালি পৰাত আৰক্ষী চকীৰ ৰান্ধনী ঘৰটোৰ বিধ্বস্ত ক্ষতিসাধন হয় (Nalbari Daulasal storm news) ।

লগতে পঢ়ক : First FlyBig flight : গুৱাহাটী-ডিব্ৰুগড়-গুৱাহাটী পোনপটীয়া যাত্ৰীবাহী দৈনিক বিমান সেৱা আৰম্ভ কৰিলে ফ্লাই বিগে