Independence Day 2023 : তিনিচুকীয়াত কটকটীয়া নিৰাপত্তাৰ মাজেৰে 77 সংখ্যক স্বাধীনতা দিৱস উদযাপনৰ প্ৰস্তুতি

তিনিচুকীয়া, 14 আগষ্ট : দেশৰ 77 সংখ্যক স্বাধীনতা দিৱসলৈ মাজত মাথোঁ কেইটামান ঘণ্টা বাকী ৷ স্বাধীনতা দিৱসৰ প্ৰাকক্ষণত উজনিৰ অন্যতম স্পৰ্শকাতৰ তিনিচুকীয়া জিলাত বৃদ্ধি কৰা হৈছে নিৰাপত্তা ব্যৱস্থা ৷ দুস্কৃতিকাৰীৰ সাম্ভাৱ্য কূটাঘাত তচনচ কৰিবলৈ সষ্টম হৈ আছে তিনিচুকীয়া আৰক্ষী ৷

অতিকৈ স্পৰ্শকাতৰ অসম-অৰুণাচল সীমান্তৰ ঘন জংঘলত উজনিৰ IGP জিৎমল দলেৰ নেতৃত্বত চলি আছে উগ্ৰপন্থী বিৰোধী ব্যাপক অভিযান ৷ সমগ্ৰ তিনিচুকীয়া জিলাখনক নিশ্চিদ্ৰ নিৰাপত্তা বেহুৰ মাজত ৰাখিছে নিৰাপত্তাৰক্ষীয়ে ৷ অইলৰ পাইপ লাইন, চাহ বাগিচা অঞ্চলতো বৃদ্ধি কৰা হৈছে নিৰাপত্তাৰক্ষী ৷

তিনিচুকীয়া জিলালৈ সোমোৱা প্ৰতিটো পথ, উপ-পথত চলিছে আৰক্ষীৰ কটকটীয়া তালাচী ৷ জিলাখনত অতিৰিক্তভাৱে পাঁচ শতাধিক আৰক্ষী মোতায়েন কৰা হৈছে ৷ তিনিচুকীয়া জিলাখনৰ নিৰাপত্তাৰ সকলো দিশ তদাৰক কৰিছে আৰক্ষী অধীক্ষক অভিজিত গৌৰৱ দিলীপে ৷

লগতে পঢ়ক : Mission Thoughtful Tinsukia: তিনিচুকীয়াত দিব্যাংগসকলৰ বাবে প্ৰশাসনৰ বিশেষ কাৰ্যসূচী