Road accident at Maligaon : মালিগাঁৱত সেনাবাহিনীৰ বাহনৰ খুন্দাত নিহত ছাত্ৰী

গুৱাহাটী, ৯ মে': গুৱাহাটী মহানগৰীত সংঘটিত হয় এক শোকাৱহ পথ দুৰ্ঘটনা । দুৰ্ঘটনাত থিতাতে নিহত এগৰাকী সপ্তম শ্ৰেণীৰ ছাত্ৰী (Road accident at Maligaon) । তথ্য অনুসৰি, মহানগৰীৰ মালিগাঁৱৰ তিনি নং গেটত সেনা বাহিনীৰ গাড়ীৰ খুন্দাত নিহত হয় সপ্তম শ্ৰেণীৰ ছাত্ৰীগৰাকী (Girl death by army vehicle at Maligaon) । ছাত্ৰীগৰাকীৰ নাম লাবান্য ৰানী পাল বুলি জানিব পৰা গৈছে ।  

মালিগাঁও ৰে’লৱে উচ্চতৰ মাধ্যমিক বিদ্যালয়ৰ ছাত্ৰী আছিল লাবান্য । মংগলবাৰে বিদ্যালয়লৈ গৈ থকা অৱস্থাতে সংঘটিৰ হয় এই শোকাৱহ ঘটনাটো । শিক্ষা বৰ্ষটোত বিদ্যালয়ত আজি প্ৰথম দিন আছিল ছাত্ৰীগৰাকীৰ (Student dies in road accident at Maligaon) । শিক্ষাবৰ্ষ পূৰ্বে আৰম্ভ হৈছিল যদিও বিশেষ কাৰণত বিদ্যালয়লৈ আহিব পৰা নাছিল ছাত্ৰী গৰাকী । পুৱাই মালিগাঁৱত সংঘটিত হোৱা পথ দুৰ্ঘটনাৰ পিচত শোকৰ ছাঁ পৰিছে বিদ্যালয়খনৰ লগতে সমগ্ৰ অঞ্চলটোত । ইফালে দুৰ্ঘটনাৰ ফলত সমগ্ৰ অঞ্চলত দেখা দিয়ে তীব্ৰ যান-জঁটে । 

লগতে পঢ়ক : Assam govt 2 years anniversary : কাইলৈ দুবছৰীয়া হ’ব ৰাজ্যৰ বিজেপি চৰকাৰৰ