শৌচাগাৰত স্কুল বাছ চালকৰ মৃতদেহ উদ্ধাৰ

গুৱাহাটী, 20 ডিচেম্বৰ : গুৱাহাটী মহানগৰীৰ গীতানগৰত অঘটন ৷ গুৰুকুল গ্ৰামাৰ ছিনিয়ৰ ছেকেণ্ডাৰী স্কুলত এই অঘটন ৷ শৌচাগাৰত স্কুল বাছ চালকৰ কৰুণ মৃত্যু ৷ স্কুল ছুটীৰ পিছত পোহৰলৈ আহে এই ঘটনা ৷  

জানিব পৰা মতে স্কুল বাছত ছাত্ৰ-ছাত্ৰী বহাৰ পিছত গাড়ী চালক নহাত ছাত্ৰ-ছাত্ৰীৰ মাজত হাহাকাৰ লাগে ৷ চালকজনলৈ ফোন কৰাত শৌচাগাৰত ফোন ৰিং হোৱাৰ শব্দ শুনা পাই নিৰাপত্তাৰক্ষীয়ে বিচাৰি যায় ৷ নিৰাপত্তাৰক্ষীয়ে মাত দিয়াত শৌচাগাৰৰ ভিতৰৰ পৰা কোনো উত্তৰ দিয়া নাছিল তেওঁ ৷

ততাতৈয়াকৈ নিৰাপত্তাৰক্ষীয়ে ঘটনা সন্দৰ্ভত নুনমাটি থানাত খবৰ দিয়ে ৷ আৰক্ষীৰ লোক ঘটনাস্থলীত উপস্থিত হৈ শৌচাগাৰাৰ দুৱাৰ ভাগি ভিতৰৰ পৰা চালকজনৰ মৃতদেহ উদ্ধাৰ কৰে ৷ শৌচাগাৰতে ৰক্তচাপজনিত কাৰণত চালকজনৰ মৃত্যু হোৱা বুলি আৰক্ষীয়ে সন্দেহ কৰিছে ৷ মৃত চালকজন বৰবাৰীৰ জিম্মা চুব্বা (54) বুলি জানিব পৰা গৈছে ৷ মৃত গাড়ী চালকজনে বিগত 1 বছৰ ধৰি বিদ্যালয়খনত বাছ চালক হিচাপে কাম কৰি আছিল ৷ 

লগতে পঢ়ক : জ্যেষ্ঠ সাংবাদিক চন্দন শৰ্মাৰ শেষ নিশ্বাস ত্যাগ