আলটিমেট খো খো প্ৰতিযোগিতাত টেকনিকেল অফিচিয়েল হিচাপে নিৰ্বাচিত ৰূপা দাস ঠাকুৰীয়া

মিৰ্জা, 14 ডিচেম্বৰ  : ভাৰতীয় খো খো ফেডাৰেচনৰ সন্মানজনক আলটিমেট খো খো প্ৰতিযোগিতাৰ এগৰাকী টেকনিকেল অফিচিয়েল হিচাপে নিৰ্বাচিত হৈছে অসমৰ এগৰাকী মহিলা ৷ ৰাষ্ট্ৰীয় পৰ্যায়ৰ খো খো খেলুৱৈ দক্ষিণ কামৰূপৰ মিৰ্জাৰ ৰূপা দাস ঠাকুৰীয়া আলটিমেট খো খো প্ৰতিযোগিতাৰ এগৰাকী টেকনিকেল অফিচিয়েল হিচাপে নিৰ্বাচিত হৈছে । ৰূপা দাস ঠাকুৰীয়াই এই দায়িত্ব লাভ কৰা কৰা প্ৰথমগৰাকী অসমীয়া মহিলা ।

উল্লেখ্য যে,  অহা 24 ডিচেম্বৰৰ পৰা ওড়িশাৰ কটক চহৰৰ জৱাহৰলাল নেহৰু ইণ্ডোৰ ষ্টেডিয়ামত আলটিমেট খো খোৰ দ্বিতীয় সংস্কৰণৰ প্ৰতিযোগিতা আৰম্ভ হ'ব । উক্ত প্ৰতিযোগিতাতে টেকনিকেল অফিচিয়েল হিচাপে দেখা যাব ঠাকুৰীয়াক ৷ আনহাতে, মিৰ্জাৰ বোৱাৰী ৰূপাই 1986 চনৰ পৰাই খো খো খেলৰ সৈতে জড়িত হৈ আহিছে ৷

আলটিমেট খো খো প্ৰতিযোগিতাৰ এগৰাকী টেকনিকেল অফিচিয়েল হিচাপে নিৰ্বাচিত হোৱাত উৎফুল্লিত হোৱা বুলি সংবাদমাধ্যমৰ আগত ব্যক্ত কৰে ৰূপা দাস ঠাকুৰীয়াই ৷

লগতে পঢ়ক : কা বিৰোধী আন্দোলনৰ শ্বহীদ দীপাঞ্জল দাসে আজিকোপতি নাপালে শ্বহীদৰ প্ৰমাণ-পত্ৰ