Rugbi training: গোৰেশ্বৰত ৰাগবি খেলৰ প্ৰশিক্ষণৰ সফল সামৰণি

তামুলপুৰ জিলাৰ গোৰেশ্বৰত ৰাগবি এছ'চিয়েচন অৱ অসমৰ উদ্যোগত আৰু তামুলপুৰ জিলা ৰাগবি এছ'চিয়েচনৰ সহযোগত গোৰেশ্বৰ উচ্চতৰ মাধ্যমিক বিদ্যালয়ৰ খেলপথাৰত সপ্তাহজুৰি অনুষ্ঠিত হোৱা ৰাগবি প্ৰশিক্ষণ কাৰ্যসূচীৰ দেওবাৰে সফল সামৰণি পৰে (Rugbi training at goreswar) ৷ গোৰেশ্বৰ উচ্চতৰ মাধ্যমিক বিদ্যালয় খেলপথাৰত অনুষ্ঠিত হোৱা ৰাগবি প্ৰশিক্ষণৰ অন্তিমটো দিনৰ সামৰণি অনুষ্ঠানত উপস্থিত থাকে অসম ৰাজ্যিক বিজেপিৰ সভাপতি ভৱেশ কলিতা (Assam State BJP President Bhabesh Kalita), অসম ৰাগবি সন্থাৰ উপ-সভাপতি মৌচম কুমাৰ উজীৰ, গোৰেশ্বৰ আৰক্ষী থানাৰ ভাৰপ্ৰাপ্ত আৰক্ষী বিষয়া মৃদুল হাজৰিকা, গোৰেশ্বৰৰ শ্ৰীমন্ত শংকৰ সত্ৰৰ সভাপতি ৰবি কুমাৰ ডেকা, গ্ৰীণ ট্ৰেক এণ্ড এডভেঞ্চাৰৰ চেয়াৰমেন জুলিমা ডেকা, পূৰ্ণ ডেকা, ৰাগবি অসমৰ যুটিয়া সম্পাদক শান্তনু শইকীয়া,উৰিষ্যাৰ পৰা অহা ৰাগবি প্ৰশিক্ষককে ধৰি কেইবাগৰাকীও বিশিষ্ট ব্যক্তি ৷ ২০ গৰাকী প্ৰশিক্ষকৰ দ্বাৰা আয়োজিত হোৱা ৰাগবি প্ৰশিক্ষণ কাৰ্যসূচীত অঞ্চলটোৰ ৭০ গৰাকী খেলুৱৈয়ে অংশগ্ৰহণ কৰিছিল ৷ প্ৰশিক্ষণৰ অন্তত অঞ্চলটোৰ পৰা ৰাগবি এছ'চিয়েচনৰ পৰা ভাৰতীয় ৰাগবি দলত অংশ গ্ৰহণ কৰি ভাল খেল প্ৰদৰ্শন কৰাৰ লগতে অসমলৈ সুনাম কঢ়িয়াই আনিব পাৰিব বুলি আশা প্ৰকাশ কৰিছে প্ৰশিক্ষক পূৰ্ণ ডেকাই (Trainer Purna Deka) ৷