Road Accident: ভয়ংকৰ পথ দুৰ্ঘটনা, বাগৰি পৰিল যাত্ৰীবাহী আল্ট্ৰা বাহন

ছিপাঝাৰ, 29 জুন : দৰং জিলাৰ ছিপাঝাৰৰ 15 নং ৰাষ্ট্ৰীয় ঘাইপথত ভয়ংকৰ পথ দুৰ্ঘটনাৰ সংঘটিত হৈছে ৷ পথৰ পৰা পথাৰলৈ বাগৰি পৰিল এখন যাত্ৰীবাহী আল্ট্ৰা বাহন ৷ জানিব পৰা মতে বাছখনত 15 গৰাকীকৈ যাত্ৰী আছিল ৷ মঙলদৈৰ পৰা গুৱাহাটী অভিমুখে গৈ থকা মা মনসা নামৰ তীব্ৰবেগী আল্ট্ৰা বাহনখনে নিয়ন্ত্ৰণ হেৰুৱাই পথ এৰি পথাৰৰ পানীত সোমাই পৰে ৷  

বাছখন বাগৰি পৰাৰ লগে লগে যাত্ৰীসকলৰ মাজত হাহাকাৰ পৰিস্থিতিৰ সৃষ্টি হয় ৷ স্থানীয় ৰাইজৰ তৎপৰতাত বাছখনত থকা 15 জনকৈ যাত্ৰীক লগে লগে উদ্ধাৰ কৰা হয় ৷ এই ঘটনাৰ পিচতে আহতসকলক ততাতৈয়াকৈ ছিপাঝাৰ সামুহিক স্বাস্থ্য কেন্দ্ৰলৈ প্ৰেৰণ কৰা হয় ৷ 

পিচত গুৰুতৰভাৱে আঘাতপ্ৰাপ্তকেইজনক উন্নত চিকিৎসাৰ বাবে মঙলদৈ অসামৰিক চিকিৎসালয়লৈ প্ৰেৰণ কৰা হয় ৷ 

লগতে পঢ়ক: Assam road condition: লোক নিৰ্মাণ বিভাগৰ ছয় সহস্ৰাধিক বিধ্বস্ত পথত জনতাৰ বিপদসংকুল যাত্রা