Road Mishap: নিয়ন্ত্ৰণ হেৰুৱাই নিচাসক্ত যুৱকৰ বাহনে খুন্দিয়ালে পথৰ কাষৰ দোকানত

জনীয়া, 20 ছেপ্টেম্বৰ : বৰপেটা জিলাৰ কলগাছিয়া আৰক্ষী থানাৰ অন্তৰ্গত কলগাছিয়াস্থিত হল মাৰ্কেটত বুধবাৰে বিয়লি ভয়ংকৰ পথ দুৰ্ঘটনা সংঘটিত হয় ৷ এজন নিচাসক্ত যুৱকৰ চাৰিচকীয়া বাহন এখন দুৰ্ঘটনাগ্রস্ত হয় ৷ জানিব পৰামতে, বেচিমাৰী গাঁৱৰ ইছমাইল নামৰ এজন যুৱকে বিজনীলৈ মদ্যপান কৰিবলৈ গৈছিল ৷ কিন্তু যুৱকজনে জোখতকৈ অধিক মদ্যপান কৰিছিল।

পৰৱৰ্তী সময়ত, ইছমাইল নামৰ নিচাসক্ত যুৱকজনে বেচিমাৰীস্থিত নিজ ঘৰলৈ ঘূৰি অহাৰ পথতে কলগাছিয়াৰ হল মাৰ্কেটত AS 01 DW 5155 নম্বৰৰ অল্ট’ বাহনখনে নিয়ন্ত্ৰণ হেৰুৱাই ছহিদুল নামৰ এজন লোকৰ দোকানত তীব্ৰবেগে খুন্দা মাৰে। এই দুৰ্ঘটনাত নিচাসক্ত যুৱকজন গুৰুতৰভাৱে আহত হয় ৷ ইয়াৰোপৰি বাহনখনৰ লগতে দোকানখনৰো ক্ষতি হয় । 

পিছমুহূৰ্তত ঘটনাস্থলীত কলগাছিয়া আৰক্ষী উপস্থিত হৈ নিচাসক্ত যুৱকৰ লগতে চাৰিচকীয়া বাহনখন থানালৈ লৈ যায়।

লগতে পঢ়ক: Robbery incident: আদবাটতে ডেলিভাৰী বয়ক চোকা অস্ত্ৰ দেখুৱাই সামগ্ৰী লুট