Road accident in Sivasagar:আমগুৰিৰ হালোৱাটিঙত সংঘটিত পথ দুৰ্ঘটনাত নিহত এগৰাকী মহিলা

আমগুৰি, ২৯ মাৰ্চ: শিৱসাগৰ জিলাৰ আমগুৰিৰ হালোৱাটিঙত মঙলবাৰে নিশা সংঘটিত এক দুৰ্ঘটনাত এগৰাকী মহিলাৰ মৃত্য়ু হয় (Accident at Amguri)। বালিভৰ্তি এখন ডাম্পাৰে আৰোহীসহ এখন স্কুটীক মহটিয়াই নিয়াৰ ফলত সংঘটিত হোৱা দুৰ্ঘটনাটিত নিহত হয় সংগীতা গায়ন নামৰ এগৰাকী মহিলা । হালোৱাটিং কাড়চোৱাত AS-04-AA-6036 নম্বৰৰ এখন স্কুটীৰে মাতৃ-পুত্ৰ ঘৰলৈ গৈ থকা অৱস্থাত সন্মুখৰ পৰা আহি থকা AS-04-AC-8428 নম্বৰৰ বালিভৰ্তি ডাম্পাৰখনে মহটিয়াই নিয়াৰ ফলত দুৰ্ঘটনাটো সংঘটিত হোৱা বুলি জানিব পৰা গৈছে (Road accident in Amguri)।  

এই ঘটনাটোত স্কুটীৰ আনজন আৰোহীও গুৰুতৰ ভাৱে আহত হয় । লগে লগে সংকটজনক অৱস্থাত মাতৃ-পুত্ৰক শিৱসাগৰৰ এখন চিকিৎসালয়ত ভৰ্তি কৰে যদিও মহিলাগৰাকীৰ মৃত্য়ু হয় । নিহত মহিলাগৰাকীৰ ঘৰ নামতিৰ গায়ন গাঁৱত । আনহাতে, দুৰ্ঘটনাটো সংঘটিত কৰিয়েই ডাম্পাৰ চালকে পলায়ন কৰে । পিছত আৰক্ষীয়ে ঘটনা সংঘটিত কৰা ডাম্পাৰখন জব্দ কৰাৰ লগতে তদন্ত আৰম্ভ কৰিছে ।

লগতে পঢ়ক:Extra marital affair: টিউচন মাষ্টৰে পৰিয়ালত লগালে আউল, পত্নীৰ বিৰুদ্ধে অভিযোগ স্বামীৰ