সভাপতিৰ পেনেলৰ নতুন তালিকা ১৪ নৱেম্বৰত প্ৰকাশ পাব: সূৰ্য হাজৰিকা

মাজুলী : অসম সাহিত্য সভাৰ সভাপতি নিৰ্বাচনক লৈ ইতিমধ্যে আৰম্ভ হৈছে নানা বিতৰ্ক । অসম সাহিত্য সভাৰ সভাপতিৰ পদৰ বাবে কেইবাগৰাকীও ব্যক্তিৰ নাম চৰ্চা হোৱাৰ লগে লগে জাঙুৰ খাই উঠিছে সচেতন ৰাইজৰ লগতে সাহিত্য় সভাৰ কেইবাগৰাকীও প্ৰাক্তন সভাপতি । একাংশ অ-সাহিত্যিকে অসম সাহিত্য সভাৰ ইতিহাসত নিজৰ নাম অন্তৰ্ভুক্ত কৰিবলৈ উঠি-পৰি লাগিছে বুলি সৰ্বত্ৰে চৰ্চা চলি থকাৰ মাজতেই এই সন্দৰ্ভত মুখ খুলিলে অসম সাহিত্য সভাৰ সভাপতি ড৹ সূৰ্য হাজৰিকাই ।  

শুকুৰবাৰে মাজুলীত অসম সাহিত্য সভাৰ সভাপতি সূৰ্য হাজৰিকাই সাহিত্য সভাৰ শেহতীয়া বিতৰ্ক সম্পৰ্কত মন্তব্য় কৰি কয়," আজিৰ তাৰিখত যিধৰণে বিষয়টো উপস্থাপন হৈছে, অসম সাহিত্য সভাই তেনেধৰণ সিদ্ধান্ত লোৱা নাছিল, বৰ্তমানেও লোৱা হোৱা নাই । আমাৰ এই বিষয় লৈ চূড়ান্ত সভা অনুষ্ঠিত হ'ব ১২ নৱেম্বৰত ।"

অসম সাহিত্য সভাৰ সভাপতিৰ পেনেল সন্দৰ্ভত সভাপতি সূৰ্য হাজৰিকাই কয়," সভাপতিৰ পেনেলৰ নতুন তালিকা ১৪ নৱেম্বৰত প্ৰকাশ পাব । নতুন নাম সন্নিবিষ্ট হ'ব নতুন তালিকাত । অসমবাসীয়ে কৰা ক্ষোভ এই নতুন তালিকাই নাইকীয়া কৰিব ।"

লগতে পঢ়ক:কোনে প্ৰকাশ কৰিলে সভাপতিৰ তালিকা ? একো গমেই নাপায় সাহিত্য সভাৰ সভাপতিয়ে !