Flood in Nagaon:সাহায্য বিতৰণ কৰিবলৈ যাওঁতে বানাক্ৰান্তৰ ৰোষত পৰিল ৰকিবুল হুছেইন

চামগুৰি,১৫ জুলাই: বান সাহায্য বিতৰণ কৰিবলৈ গৈ বানাক্ৰান্তৰ ৰোষত পৰিল প্ৰাক্তন মন্ত্ৰী তথা চামগুৰিৰ বিধায়ক ৰকিবুল হুছেইন । ভূৰবন্ধাত সাহায্য বিতৰণ কৰি বান পৰিদৰ্শন কৰিবলৈ গৈ বাধাৰ সন্মুখীন হবলগীয়া হয় বিধায়কগৰাকী । বিধায়কগৰাকী অহাৰ সময়তেই পথৰ মাজত এজন লোকে বাঁহ বান্ধি বাধা প্ৰদান কৰাৰ চেষ্টা কৰে ।  

উল্লেখ্য় যে শনিবাৰে নগাঁও জিলাৰ চামগুৰি সমষ্টিৰ ৪নং ভূৰবন্ধাত বানাক্ৰান্ত ৰাইজলৈ সাহায্য বিতৰণ কৰিবলৈ উপস্থিত হয় স্থানীয় বিধায়ক ৰকিবুল হুছেইন । পৰ্যাপ্ত পৰিমাণৰ বান সাহায্য বিতৰণ নকৰা বাবেই অসন্তুষ্ট বানাক্ৰান্ত এজনে বাধা প্ৰদান কৰে বিধায়কগৰাকীক । বছৰটোৰ আন সময়ত এই লোকসকলৰ খবৰ নাৰাখি বানপানীৰ সময়ত আহি উপস্থিত হোৱাত নৈপৰীয়া ৰাইজৰ ক্ষোভৰ সন্মুখীন হয় ।

লগতে পঢ়ক:CPI CPI M protest in Lakhimpur: বিজেপি চৰকাৰৰ জনবিৰোধী নীতিৰ বিৰুদ্ধে চিপিআই আৰু চিপিআই এমৰ যৌথ অৱস্থান ধৰ্মঘট