Sarupathar College golden jubilee:সোণালী জয়ন্তী উদযাপন সন্দৰ্ভত সৰুপথাৰ মহাবিদ্যালয়ৰ সংবাদমেল

সৰুপথাৰ, 15 ছেপ্টেম্বৰ : দৈয়াং-ধনশিৰিৰ পৃষ্ঠভূমি সৰুপথাৰ মহাবিদ্যালয়ত অনুষ্ঠিত হ’ব সৰুপথাৰ মহাবিদ্যালয় সোণালী জয়ন্তী বৰ্ষৰ সামৰণি অনুষ্ঠান । ৫২ টা বৰ্ষ অতিক্ৰম কৰা শিক্ষানুষ্ঠানখনে "স্বৰ্ণগাথা" নামেৰে সোণালী জয়ন্তী বৰ্ষ উদযাপন কৰিছে ।

আগন্তুক ৩, ৪ আৰু ৫ নৱেম্বৰ ২০২৩ তাৰিখে বৰ্ণাঢ্য কাৰ্যসূচীৰে সৰুপথাৰ মহাবিদ্যালয় সোণালী জয়ন্তী বৰ্ষৰ সামৰণি অনুষ্ঠান অনুষ্ঠিত কৰাৰ কথা সংবাদমেল যোগে ঘোষণা কৰিলে মহাবিদ্যালয়ৰ অধ্যক্ষ ড৹ প্ৰাপ্তি ঠাকুৰে । প্ৰতিটো কাৰ্যসূচীতে মহাবিদ্যালয়ৰ সকলো প্ৰাক্তন ছাত্ৰ-ছাত্ৰী, দল সংগঠন, শুভাকাংক্ষী তথা ধনশিৰিবাসীৰ সহযোগিতা কামনা কৰিছে মহাবিদ্যালয় পৰিয়ালবৰ্গই ৷

সৰুপথাৰ মহাবিদ্যালয়ৰ Alumni Association ৰ সদস্যসকলেও সক্ৰিয়তাৰে সোণালী জয়ন্তীৰ বাবে প্ৰাক্তন ছাত্ৰ-ছাত্ৰীসকলক যোগাযোগ কৰাৰ চেষ্টা কৰিছে । সৰুপথাৰ মহাবিদ্যালয়ৰ Alumni Association ৰ সম্পাদক ঋতুৰাজ মহন্ত, সভাপতি দ্বীপেন বৰা উপস্থিত থাকে সংবাদমেলত ।

লগতে পঢ়ক : Extra curricular activities in Sarupathar college: স্বাৱলম্বিতাৰ দিশত সৰুপথাৰ মহাবিদ্যালয়ৰ অভিনৱ পদক্ষেপ