শংকৰদেৱ সংঘৰ 47 সংখ্যক মৰিগাঁও অধিৱেশনৰ লাইখুঁটা স্থাপন

মৰিগাঁও, 27 নৱেম্বৰ : শ্ৰীমন্ত শংকৰদেৱ সংঘৰ মৰিগাঁও জিলা শাখাৰ 47 সংখ্যক বাৰ্ষিক অধিৱেশনৰ লাইখুঁটা দেওবাৰে স্থাপন কৰা হয় । মৰিগাঁও জিলা শাখাৰ 47 সংখ্যক বাৰ্ষিক অধিৱেশনখনি এইবাৰ খোলাগাঁও, কলবাৰীত অনুষ্ঠিত হ'ব । অহা 21, 22 আৰু 23 জানুৱাৰীত প্ৰয়াত পদ্মেশ্বৰ বৰদলৈ সমন্বয় ক্ষেত্ৰত তিনিদিনীয়া বৰ্ণাঢ্য কাৰ্যসূচীৰে অনুষ্ঠিত হ’ব এই অধিৱেশন ৷ ইতিমধ্যে প্ৰস্তুতি তুংগত তুলিছে আদৰণী সমিতিয়ে । 

জিলা তথা আঞ্চলিক শাখাৰ শতাধিক বাপ-আই, সেৱক-সেৱিকা আৰু আদৰণী সমিতিৰ বিষয়ববীয়াসকলৰ উপস্থিতি আৰু সহযোগত দেওবাৰে জিলা শাখাৰ সভাপতি অতুল চন্দ্ৰ দাসে হৰি ধ্বনিৰে লাইখুঁটা স্থাপন কৰে । ইয়াৰ সৈতে সংগতি ৰাখি কলবাৰী প্ৰাথমিক শাখাৰ নামঘৰত এখনি সভাও অনুষ্ঠিত হৈ যায় ।

বাৰ্ষিক অধিৱেশনখনিৰ বাবে প্ৰস্তুতি প্ৰায় সম্পূৰ্ণ হৈ উঠা বুলি মন্তব্য কৰাৰ লগতে অনুষ্ঠিত হ'ব লগা তিনিদিনীয়া কাৰ্যসূচীতে জিলাখনৰ বিভিন্ন দল-সংগঠন আৰু জিলাবাসীৰ সহযোগিতা আশা কৰিছে আদৰণী সমিতিয়ে ।

লগতে পঢ়ক : শংকৰদেৱ সংঘৰ ৯৩ সংখ্যক ৰঙিয়া অধিৱেশনৰ লাইখুঁটা স্থাপন