Accident in Majuli: সুৰাপায়ী চালকৰ বাবে মাজুলীত পুনৰ দুৰ্ঘটনাগ্ৰস্ত আৰক্ষীৰ বাহন

মাজুলী, 27 জুন : মাজুলীত পুনৰ প্ৰশাসনৰ গাড়ী দুৰ্ঘটনাগ্ৰস্ত । মাজুলীৰ ঢেকীয়াজুলীত উপ-আৰক্ষী অধীক্ষকৰ বাহনে নিয়ন্ত্ৰণ হেৰুৱাই খুন্দা মাৰিলে এজোপা গছত । বাহনখন বিজু কামান নামৰ চালকজনে চলাইছিল বুলি জানিবলৈ পৰা গৈছে । সুৰা সেৱন কৰি বিজু কামানে বাহনখন চলাইছিল বুলি অভিযোগ উত্থাপন কৰিছে স্থানীয় ৰাইজে । বাহনখন তীব্ৰগতিত আছিল বুলিও উল্লেখ কৰিছে প্ৰত্যক্ষদৰ্শী লোকে ৷ 

সোমবাৰৰ নিশা 10 মান বজাত সংঘটিত হয় এই দুৰ্ঘটনাটো । অৱশ্যে দুৰ্ঘটনাটোৰ ফলত কোনো লোক আঘাতপ্ৰাপ্ত হোৱা নাই যদিও বাহনখনৰ আগভাগ সম্পূৰ্ণ ৰূপে ভাগি যোৱা পৰিলক্ষিত হৈছে । উললেখযোগ্য যে, দুৰ্ঘটনা সংঘটিত হোৱা সময়ত গাড়ীখনত নাছিল উপ-আৰক্ষী অধীক্ষকগৰাকী । বাহনখন মাজুলীৰ উপ-আৰক্ষী অধীক্ষক পদ্ম পেগুৰ আছিল বুলি জানিব পৰা গৈছে । 

লগতে পঢ়ক : Assam flood: ৰাজ্যত অপৰিৱৰ্তিত বান পৰিস্থিতি; প্ৰথমটো বানত মৃত্যু 5 জনৰ