Heated situation in Majuli : আচামীক আটক কৰিবলৈ যোৱা আৰক্ষীক আক্ৰমণ দুৰ্বৃত্তৰ; শূন্যলৈ গুলী চালনা

মাজুলী,১৯ ফ্ৰেব্ৰুৱাৰী: নিশা মাজুলীৰ ডাম্বুকিয়ালত উত্তপ্ত পৰিস্থিতি (Heated situation in Majuli) । উজনি মাজুলীৰ জেংৰাইমুখ থানাৰ অন্তগৰ্ত ডাম্বুকীয়ালত সৃষ্টি হয় এই উত্তপ্ত পৰিৱেশৰ । জানিব পৰা মতে মাজুলীৰ ডাম্বুকীয়ালত এজন লখিমপুৰৰ যুৱকে এগৰাকী যুৱতীৰ লগত অপকৰ্মত লিপ্ত হৈ আছে বুলি জেংৰাইমুখ থানাৰ ভাৰপ্ৰাপ্ত বিষয়ালৈ খবৰ দিছিল গাঁওৰক্ষী বাহিনীৰ সম্পাদকে । খবৰ পোৱাৰ লগে লগে জেংৰাইমুখ থানাৰ এটা দল সেই স্থানলৈ গতি কৰিছিল যুৱক জনক আটক কৰিবলৈ । 

অভিযুক্ত যুৱকজনক আৰক্ষীয়ে উদ্ধাৰ কৰি আটক কৰিবলৈ লওঁতেই সৃষ্টি হয় উত্তপ্ত পৰিস্থিতিৰ । আচামীক ধৰিবলৈ যাওতে দুৰ্বৃত্তৰ আক্ৰমণৰ সন্মুখীন হয় আৰক্ষীৰ দলটো । প্ৰথমে তৰ্কাতৰ্কিত লিপ্ত হোৱাৰ পাচত একাংশ উদণ্ড লোকে আৰক্ষীক প্ৰহাৰ কৰে (Clash between police and miscreants in Majuli) । জেংৰাইমুখ থানাৰ আৰক্ষীৰ লগত হতাহতি হোৱাৰ লগতে ভাৰপ্ৰাপ্ত আৰক্ষী বিষয়াগৰাকীকো আক্ৰমণ কৰে উদণ্ড লোকসকলে (Miscreants attack police in Majuli) । ফলত সামান্য পৰিমণে আঘাতপ্ৰাপ্ত হয় ভাৰপ্ৰাপ্ত আৰক্ষী বিষয়াগৰাকী । 

ইফালে আৰক্ষীৰ বাহনখনৰো ক্ষতিসাধন কৰে একাংশ দুৰ্বৃত্তই । পৰিৱেশ নিয়ন্ত্ৰণৰ বাবে ভাৰপ্ৰাপ্ত আৰক্ষী বিষয়াগৰাকীৰ নিৰ্দেশত আৰক্ষীয়ে শূন্যলৈ গুলীচালনা কৰিবলৈ বাধ্য হ'য় । শূন্যলৈ ২ জাঁই গুলি চলোৱাৰ পিচতেই পৰিৱেশ কিছু পৰিমাণে শাম কাতে যদিও পুনৰ আৰক্ষীৰ বাহনলৈ একাংশ দুৰ্বৃত্তই খেদি আহে । অৱশেষত আৰক্ষীয়ে কৌশলেৰে অভিযুক্ত যুৱকজনক আটক কৰি জেংৰাইমুখ থানালৈ লৈ আনিবলৈ সক্ষম হয় (Accused arrested in Majuli) । 

আনহাতে, আৰক্ষীয়ে বৰ্তমানো উত্তপ্ত পৰিস্থিতি সৃষ্টি কৰা তথা আৰক্ষীক প্ৰহাৰ কৰা কোনো লোককে আটক কৰিবলৈ সক্ষম হোৱা নাই বুলি জানিব পৰা গৈছে । পৰৱৰ্তী সময়ত আৰক্ষীয়ে ইয়াৰ বিৰুদ্ধে কি ব্যৱস্থা গ্ৰহণ কৰে সেয়া লক্ষণীয় হ'ব । 

লগতে পঢ়ক: Heated situation at Shivratri fair: খুমটাইৰ শিৱৰাত্ৰি মেলাত নিশা উত্তপ্ত পৰিস্থিতি