Amrit Bharat Railway Station: চাপৰমুখ ৰে'ল ষ্টেচনৰ ভাৰ্চুৱেলি আধাৰশিলা স্থাপন প্ৰধানমন্ত্ৰীৰ

ৰহা,৬ আগষ্ট :অমৃত ভাৰত ৰে'ল ষ্টেচন আঁচনিৰ অধীনত অসমৰ ৩২ টা ষ্টেচনকে ধৰি দেশৰ ৫০৮ টা ৰে'লৱে ষ্টেচন উন্নীতকৰণ তথা পুনৰ নিৰ্মাণৰ আধাৰশিলা আজি প্ৰধানমন্ত্ৰী নৰেন্দ্ৰ মোডীয়ে ভাৰ্চুৱেলি স্থাপন কৰে । দেশৰ লগতে ৰহাৰ চাপৰমুখ ৰে'লৱে ষ্টেচনতো ৰে'লৱে ষ্টেচন পুনৰ নিৰ্মাণ তথা আধুনিকীকৰণৰ আধাৰশিলা স্থাপন অনুষ্ঠান অনুষ্ঠিত হয় ।

প্ৰধানমন্ত্ৰী নৰেন্দ্ৰ মোদীয়ে দিল্লীত ভাৰ্চুৱেলি আধাৰশিলা স্থাপন কৰা দেশৰ ৫০৮ ষ্টেচনৰ ভিতৰত চাপৰমুখ ৰে'লৱে ষ্টেচনকো অন্তৰ্ভুক্ত কৰা হয় । ইয়াৰ সৈতে সংগতি ৰাখি আয়োজিত অনুষ্ঠানত মুখ্য অতিথি হিচাবে উপস্থিত থাকি স্বাস্থ্য মন্ত্ৰী কেশৱ মহন্তই প্ৰধানমন্ত্ৰী নৰেন্দ্ৰ মোদীক বিশ্বনেতা বুলি মন্তব্য কৰে । এই অনুষ্ঠানটোত মন্ত্ৰীগৰাকীৰ লগতে প্ৰাক্তন ৰে'ল ৰাজ্যমন্ত্ৰী ৰাজেন গোঁহাই,স্থানীয় বিধায়ক শশীকান্ত দাস,নগাঁও সদৰ সমষ্টিৰ বিধায়ক ৰূপক শৰ্মা উপস্থিত থাকে ।

লগতে পঢ়ক:Dowry case at Kalgachia: যৌতুক বিচাৰি বোৱাৰীক শাৰীৰিক নিৰ্যাতন; অবৈধ সম্পৰ্ক ৰখাৰ অপচেষ্টা শহুৰেকৰ