Poor road condition in Majuli : মাজুলী ডেকা সেনছোৱাত বিসংগতিপূৰ্ণ পথ নিৰ্মাণৰ অভিযোগ ঠিকাদাৰৰ বিৰুদ্ধে

মাজুলী, 5 আগষ্ট : মাজুলী ডেকা সেনছোৱাত উত্তপ্ত পৰিস্থিতি । এটা পথ নিৰ্মাণক লৈ ডেকা সেনছোৱাত এই উত্তপ্ত পৰিস্থিতিৰ সৃষ্টি হয় । ডেকা সেনচোৱা চাৰিআলিৰ সমীপত লোকনিৰ্মাণ বিভাগৰ অধীনত এখন পকী দলং নির্মাণ হৈ আছে ৷ উক্ত দলংখনৰ পৰা নামি অহা চেলামী বেকাকৈ নিৰ্মাণ কৰাত যিকোনো মূহুৰ্তত দুৰ্ঘটনা সংঘটিত হোৱাৰ আশংকা স্থানীয় ৰাইজৰ । এই পথটি নিৰ্মাণত বিসংগতি হোৱাৰ অভিযোগ স্থানীয় ৰাইজৰ ।

ইফালে ঠিকাদাৰে পথ সুৰক্ষাৰ প্ৰতি কোনো ধৰণৰ গুৰুত্ব নিদিয়াৰ অভিযোগ তৰিছে স্থানীয় ৰাইজে । আনকি অঞ্চলটোৰ ৰাইজে ৰাজহ চক্ৰ বিষয়া আৰু পৰিবহণ বিভাগৰ পথ সুৰক্ষা সমিতিৰ বিষয়াক পথচোৱাত সংঘটিত হোৱা বিসংগতিৰ অভিযোগ দাখিল কৰে ।

সেই অভিযোগৰ ভিত্তিতেই শনিবাৰে গোটেই বিষয়টোৰ বুজ লৈ মাজুলীৰ ৰাজহ চক্ৰ বিষয়াগৰাকীয়ে কম সময়ৰ ভিতৰত ৰাইজৰ সমস্যা সমাধান কৰাৰ প্ৰতিশ্ৰুতি প্ৰদান কৰে । লগতে স্থানীয় ৰাইজে চৰকাৰৰ বিভাগীয় মন্ত্ৰীক এই সমগ্ৰ বিষয়টো নিজে নিৰীক্ষণ কৰি সমাধা কৰি দিবলৈ আহ্বান জনায় ।

লগতে পঢ়ক : Poor road condition: গাভৰুসকলৰ বাবে অভিশপ্ত এটা পথ