Pakhla Gosain Sabha: বৰপেটাৰ পখলা গোসাঁইৰ সভা মহোৎসৱত ভক্তৰ ভিৰ

বৰপেটা, ২৯ অক্টোবৰ : বৰপেটা জিলাৰ বৰবিলাত শ্ৰীশ্ৰী পখলা গোঁসাইদেৱৰ ৫৬ সংখ্যক স্থাপনা দিৱস আৰু সভা মহোৎসৱ কালিৰে পৰা তিনিদিনীয়া কাৰ্যসূচীৰে আৰম্ভ হৈছে ৷ ভগৱান বিষ্ণুৰ অংশ হিচাপে বৰবিলা গাঁওবাসীয়ে পখলাদেৱৰ পূজা অৰ্চনা কৰি আহিছে ৷ মানস কৰিলে সিদ্ধি হোৱাৰ বিশ্বাস সাৰোগত কৰি সভা পখলাদেৱৰ প্ৰতি নামনি অসমৰ ভক্তসকলে সেৱা,পূজা অৰ্চনা আগবঢ়াই আহিছে বুলি উল্লেখ কৰে আয়োজক সমিতিৰ সভাপতিগৰাকীয়ে ৷  

পখলা গোসাঁইৰ সভা মহোৎসৱ উপলক্ষে আজিও থানখনত ভক্ত দৰ্শনাৰ্থীৰ সমাগম হয় ৷ সভা মহোৎসৱ উপলক্ষে আজি প্ৰভাত ফেৰী আৰু মন্দিৰত পূজা অৰ্চনা, হোম যজ্ঞ, ভক্তসকলৰ প্ৰণাম আৰু নিৰ্মালি গ্ৰহণ কাৰ্যসূচী অনুষ্ঠিত হয় ৷ দিনৰ ভাগত মহিলা থিয় নাম দলে নাম পৰিবেশন কৰে ।

লগতে পঢ়ক:Sri Sri Harimandir of Nalbari: হৰিমন্দিৰৰ নতুন সমিতি সৰ্বস্তৰৰ ৰাইজে বিচাৰিছে; জয়ন্তমল্ল বৰুৱা