Road Mishap: চিলাপথাৰত শোকাৱহ পথ দুৰ্ঘটনা; এজনৰ মৃত্যু

জোনাই, 3 ছেপ্টেম্বৰ: চিলাপথাৰ আৰক্ষী থানা অন্তৰ্গত 515 নং ৰাষ্ট্ৰীয় ঘাইপথৰ দিপাত শনিবাৰে নিশা ভয়ংকৰ পথ দুৰ্ঘটনা সংঘটিত হয় ৷ এই দুৰ্ঘটনাটোত চিমেন চাপৰি আৰক্ষী থানাৰ অন্তৰ্গত 1 নং ৰংপুৰীয়া গাঁৱৰ সুৰেণ বৰা(40) ৰ থিতাতে মৃত্যু হয়। 

জানিব পৰা মতে সুৰেণ বৰাই নিজৰ ঘৰত তলা মাৰি চাৰিদিন পূৰ্বে ঘৰৰ পৰা ওলাই গৈ চিলাপথাৰ, ডিমৌ অঞ্চলত অনাই বনাই ঘূৰি ফুৰিছিল । সুৰেণ বৰাই অকলে ঘৰত বাস কৰিছিল ৷ শনিবাৰে নিশা মানসিক অস্থিৰতাত ভুগি থকা সুৰেণ বৰাই চিলাপথাৰ দিশৰ পৰা চিমেন চাপৰিলৈ আহি থকা অৱস্থাতে কোনো অচিনাক্ত বাহনে খুন্দিয়াই থৈ যায় বুলি ৰাইজে সন্দেহ প্ৰকাশ কৰিছে। আজি পুৱা ৰাষ্ট্ৰীয় ঘাইপথৰ কাষত সুৰেণ বৰাৰ মৃতদেহ স্থানীয় লোকে প্ৰত্যক্ষ কৰে । 

লগে লগে স্থানীয় গাঁও প্ৰধানগৰাকীয়ে ডিমৌ আৰক্ষী চকীক খবৰ দিয়াৰ পাচত ঘটনাস্থলীত আৰক্ষী উপস্থিত হয় ৷ আৰক্ষীয়ে লোকজনৰ মৃতদেহটো মৰণোত্তৰ পৰীক্ষা কৰিবলৈ ধেমাজি অসামৰিক চিকিৎসালয়লৈ প্ৰেৰণ কৰে।

লগতে পঢ়ক : Suspected suicide in Margherita: বনাঞ্চলত উদ্ধাৰ নিৰুদ্দিষ্ট কিশোৰীৰ অৰ্ধগলিত মৃতদেহ