অচিনাক্ত বাহনৰ খুন্দাত নিহত প্ৰাতঃভ্ৰমণলৈ যোৱা ব্যক্তি

মৰিগাঁও, 28 ডিচেম্বৰ : বৃহস্পতিবাৰে পুৱা মৰিগাঁৱৰ বঘৰা চাৰণ বিলৰ সমীপত ভয়ংকৰ ঘটনা সংঘটিত হয় ৷  অচিনাক্ত বাহনৰ খুন্দাত প্ৰাতঃভ্ৰমণলৈ যোৱা এজন লোকক নিহত হৈছে ৷ নিহত লোকজন চাৰণপাৰ ঔজাৰীৰ বুদ্ধেশ্বৰ বৰদলৈ বুলি জানিব পৰা গৈছে ৷ ইতিমধ্যে ঘটনাস্থলীত মৰিগাঁও আৰক্ষী উপস্থিত হৈ মৃতদেহটো উদ্ধাৰ কৰে আৰু মৰণোত্তৰ পৰীক্ষাৰ বাবে মৰিগাঁও শ্বহীদ তিলক হেমৰাম গুণাভিৰাম অসামৰিক চিকিৎসালয়লৈ প্ৰেৰণ কৰিছে আৰক্ষীয়ে ৷

স্থানীয় ৰাইজে কয়, ‘‘প্ৰতিদিনৰ দৰে আজিও প্ৰাতঃভ্ৰমণলৈ গৈছিল বুদ্ধেশ্বৰে ৷ তেনে সময়তে বুদ্ধেশ্বৰক অচিনাক্ত বাহনে খুন্দা মাৰে ৷ ইফালে মূৰটো ৰাস্তাৰ দিশে পৰি আছিল ৷ প্ৰথমে আমি চিনাক্ত কৰিব পৰা নাছিলো ৷ পৰৱৰ্তী সময়ত ঘটনাস্থলীত আৰক্ষী উপস্থিত হৈ মূৰৰ গামোচাখন আঁতৰাই দিয়াতহে বুদ্ধেশ্বৰ বুলি চিনাক্ত কৰিব পৰা হয় ৷’’

লগতে পঢ়ক :মৰিগাঁৱৰ ৰাজপথত এখন বিলাসী বাহনে দুঠাইত খুন্দিয়াই আহত কৰিলে চাৰিজনক