ভোগালীৰ আনন্দৰ মাজতে ৰে’লৰ খুন্দাত প্ৰাণ গ'ল এজনৰ

মৰাণ, 15 জানুৱাৰী : ৰাজ্যজুৰি ভোগালীৰ আনন্দ ৷ আনন্দত ৰাজ্যবাসী মতলীয়া হৈ থকাৰ মাজতে সোণাৰিত চাঞ্চল্যকৰ ঘটনা সংঘটিত হৈছে ৷ চৰাইদেউ জিলাৰ সোণাৰিত ৰে'লৰ খুন্দাত প্ৰাণ গ'ল এজন লোকৰ । সোণাৰিৰ বৰাহীত কামৰূপ এক্সপ্ৰেছৰ খুন্দাত পুৱতি নিশা নিহত হয় এজন যুৱক । নিহত যুৱকজন বৰাহী 5 নম্বৰ লাইনৰ নাম সুনীল ভূঞা(২০) বুলি জানিব পৰা গৈছে । পুৱতি নিশা কেনেকৈ এই ঘটনা সংঘটিত হ'ল তাক লৈও ৰহস্য সৃষ্টি হৈছে । 

আজি পুৱা স্থানীয় লোকে যুৱকজনৰ মৃতদেহটো দেখি লগে লগে ৰে’ল আৰক্ষীক অৱগত কৰে ৷ খবৰ পোৱাৰ লগে লগে ঘটনাস্থলীত ৰে’ল আৰক্ষী উপস্থিত হৈ মৃতদেহ উদ্ধাৰ কৰিছে ৷ ইতিমধ্যে আৰক্ষীয়ে ঘটনাক লৈ তদন্ত আৰম্ভ কৰিছে।

লগতে পঢ়ক: লাচিত ঘাটত গাঁতত উদ্ধাৰ দুটি শিশুৰ মৃতদেহ