Road accident : বাইকৰ খুন্দাত গুৰুতৰভাৱে আহত পথচাৰী

জনীয়া, 11 জুন :  বৰপেটা জিলাৰ কলগাছিয়া আৰক্ষী থানাৰ অন্তৰ্গত পূৱ গুণীয়ালগুৰিত শনিবাৰৰ নিশা সংঘটিত হয় ভয়ংকৰ পথ দুৰ্ঘটনা । দুৰ্ঘটনাটোৰ ফলত আশ্ৰাফুল আলম নামৰ এজন যুৱক গুৰুতৰভাৱে আহত হয় । জানিব পৰা মতে কলগাছিয়াৰ পৰা AS 15 A7405 নম্বৰৰ তীব্ৰবেগী বাজাজ ডিস্ক’ভাৰ বাইকখনে গুণীয়ালগুৰি অভিমুখে গৈ থকা খোজকাঢ়ি গৈ থকা যুবকজনক তীব্ৰবেগে খুন্দা মাৰে । ফলত গুৰুতৰভাৱে আহত হয় যুৱকজন (Kalgasia road accident) । 

যুৱকজন পূৱ গুণীয়ালগুৰি গাঁৱৰ মুকাদ্দেছ আলীৰ 19 বছৰীয়া পুত্ৰ আশ্ৰাফুল আলম বুলি জানিবলৈ পৰা গৈছে । দুৰ্ঘটনা সংঘটিত হোৱাৰ পিচতে লগে লগে স্থানীয় ৰাইজে ততাতৈয়াকৈ বৰপেটা অসামৰিক চিকিৎসালয় কলগাছিয়াত ভৰ্তি কৰায় যদিও অৱস্থা অতি সংকটজনক হোৱাত চিকিৎসকে যুৱকজনক উন্নত চিকিৎসাৰ বাবে বৰপেটা চিকিৎসা মহাবিদ্যালয়লৈ প্ৰেৰণ কৰে (Barpeta ciovil hospital)  । 

ইফালে দুৰ্ঘটনাৰ পাচত ঘটনাস্থলীত কলগাছিয়া আৰক্ষী উপস্থিত হৈ আৰম্ভ কৰে তদন্ত (Kalgasia police) । 

লগতে পঢ়ক : TMC leader arrested : তৃণমূল কংগ্ৰেছৰ কৰ্মীৰ পৰা উদ্ধাৰ অস্ত্ৰ, চাঞ্চল্য অব্যাহত